ޑައިރެކްޓް ލޮޖިސްޓިކްސް ސަރވިސް ޕވޓ ލޓޑ ވ. ނިހާދު ޢަލީ

ނަތީޖާ: ދަޢުވާ ފޯމް ބާޠިލު

ދަށު ކޯޓު: ސިވިލް ކޯޓު 1724/Cv-C/2015

ކޯޓުން ނިންމަން ޖެހުނު ސުވާލު

ޙުކުމް ކުރުމަށް ތާވަލުކުރެވުނު ޝަރީޢަތުގެ މަޖިލީހަށް ކޯޓަށް ހާޟިރުވުމުގެ އަމުރު ރައްދުވި ނަމަވެސް އިސްތިއުނާފުކުރި ފަރާތުން ހާޟިރުވުމަށް ހަމަޖައްސާފައިވާ ފަރާތް ޙާޟިރުނުވެ، އުޒުރެއްވެސް ހުށަނާޅާ ހިނދު، އިސްތިއުނާފީ ދަޢުވާ ކުރިއަށް ގެންދެވޭނެތޯ.

ކަނޑައެޅި ޤާނޫނީ އުޞޫލުތައް

1. އިސްތިއުނާފުކުރި ފަރާތުން ކޯޓަށް ހާޟިރުވުމަށް ހަމަޖައްސާފައިވާ ފަރާތަށް ކޯޓަށް ހާޟިރުވުމުގެ އަމުރު ރައްދުވެފައިވާއިރު، އެ އަމުރުގައިވާ ގަޑިއަށް (ދުރުން ކުރިއަށް ގެންދިޔަ ޝަރީޢަތަށްވެސް) ޙާޟިރުނުވެ، ޙާޟިރުނުވުމަށް އުޒުރެވެރިވާފަދަ ސަބަބެއް އޮތްކަން އަޑުއެހުމުގެ ގަޑި ޖެހިގެން ދިޔައިރުވެސް ހައިކޯޓަށް ހުށަނާޅައިފިނަމަ، އިސްތިއުނާފީ ދަޢުވާ ފޯމު ބާޠިލުކުރެވޭނެއެވެ.