ޢަލީ އިބްރާހީމް ފިނިވާގެ ވ. ހައުސިންގ ޑިވެލޮޕްމެންޓް ކޯޕަރޭޝަން ލިމިޓެޑް

ނަތީޖާ: ދަށުކޯޓުގެ ޙުކުމް ބާޠިލު؛ އެއްބަސްވުން ނިމުމަކަށް ގެނައިކަމަށް އެޗްޑީސީއިން އެންގީ އެއްބަސްވުމާ ޚިލާފަށް

ދަށު ކޯޓު: ސިވިލް ކޯޓު 14/Cv-C-HD/2016

ކޯޓުން ނިންމަން ޖެހުނު ސުވާލު

ހުޅުމާލޭގެ ޞިނާޢީ ބިމެއް ކުއްޔަށްދޫކުރުމުގެ އެއްބަސްވުން، ބިމުގައި ޞިނާޢަތް ޤާއިމުނުކުރުމާއި ފާރު ނުރާނުމުގެ ސަބަބުން އެޗްޑީސީއިން ބާޠިލުކުރީ އެއްބަސްވުމާ އެއްގޮތަށްތޯ؛ އަދި ޞިނާޢަތް ޤާއިމުކުރުމަކީ އެއްބަސްވުމުގެ ޖައުހަރީ މާއްދާއެއްތޯ.

ކަނޑައެޅި ޤާނޫނީ އުޞޫލުތައް

1. ސީދާ މި އިސްތިއުނާފީ މައްސަލާގައި އޮތް ވާޤިޢާތަކުގެ މައްޗަށް އުފެދުނު ބަހުސާމެދު، އެއް ފަރާތެއްގެ ނަން ފިޔަވައި އެއްގޮތް އެއްބަސްވުމަކާ ގުޅިގެން ސުޕްރީމް ކޯޓުން (2018/SC-A/22) ގޮތް ކަނޑައަޅާފައިވާނަމަ، މަތީ މަރުޙަލާގެ ކޯޓުތަކުގެ ނިންމުންތަކަށް ދަށު މަރުޙަލާގެ ކޯޓުތައް ތަބާވާންވާނެ ކަމަށް ޤާނޫނުއަސާސީގައި ބަޔާންކޮށްފައިވާތީ، އެ ޤަޟިއްޔާގެ ސަބަބުތަކަށް ރިޢާޔަތްކޮށް ދަށު ކޯޓުގެ ޙުކުމް ބާޠިލުކުރަންޖެހެއެވެ.
2. ކުއްޔަށްދޫކުރާ ފަރާތުން ޢަމަލުކުރި ގޮތުގެ ސަބަބުން ބިން އަނބުރާ ހަވާލުކުރެވެން ނެތް ޙާލަތަށް ދިޔަނަމަ، އެ ބިން ހަވާލުކުރުމަށް އުފުލަންޖެހޭ ހުރިހާ ޒިންމާއެއް އުފުލަންޖެހޭނީ އެ ފަރާތުންނެވެ.

ބަލާފައިވާ ޤާނޫނުތައް

• ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 141 ވަނަ މާއްދާގެ (ރ)
• ސުޕްރީމް ކޯޓުގެ ނަންބަރު 2018/SC-A/22