މިނިސްޓްރީ އޮފް އެޑިއުކޭޝަން ވ. މާލޭ ހައި ޕވޓ ލޓޑ

ނަތީޖާ: ދަޢުވާ ފޯމް ބާޠިލު (އިސްތިއުނާފުކުރި ފަރާތުން މައްސަލަ އަނބުރާ ގެންދިއުމުން)

ދަށު ކޯޓު: ސިވިލް ކޯޓު 2898/Cv-C/2017

ކޯޓުން ނިންމަން ޖެހުނު ސުވާލު

އިސްތިއުނާފުކުރި ދައުލަތުން އިސްތިއުނާފު ކުރިއަށް ނުގެންދަން ބޭނުންވާކަމަށް ބުނުމުން މައްސަލަ ނިންމާނެ ގޮތާއި، އިސްތިއުނާފު ރައްދުވާ ފަރާތުން ޖަވާބު ފޯމުގައި 'ކައުންޓަރ އެޕީލް' ގެ ގޮތުގައި ހުށަހެޅި ނުކުތާއަކަށް ގޮތެއް ކަނޑައަޅަންޖެހޭތޯ.

ކަނޑައެޅި ޤާނޫނީ އުޞޫލުތައް

1. އިސްތިއުނާފުކުރާ ފަރާތުން މައްސަލަ އިތުރަށް ކުރިއަށް ގެންދަން ބޭނުންނުވާކަމަށް ޝަރީޢަތުގެ މަޖިލީހުގައި ބުނެފިނަމަ، އެ މައްސަލައިގައި ކޯޓުން އިތުރަށް ގޮތެއް ކަނޑައަޅަންޖެހޭ ސަބަބެއް ނެތެވެ. (ޕެރ. 6)
2. އިސްތިއުނާފު ރައްދުވާ ފަރާތުން ޖަވާބު ފޯމުގައި ދަށުކޯޓުގެ ޙުކުމް މުރާޖަޢާކުރުމަށް އެދޭ ނުކުތާއަކީ އިސްތިއުނާފީ މުއްދަތުގެ ތެރޭގައި އިސްތިއުނާފީ ނުކުތާއެއްގެ ގޮތުގައި ހުށަހަޅާފައިވާ ނުކުތާއެއް ނޫންނަމަ، އަދި ޙުކުމް މުރާޖަޢާކުރަންޖެހޭ ޤާނޫނީ ސަބަބެއް ނުވަތަ ޤާނޫނީ ބަޙުޘެއް ބަޔާންކޮށް ނުވަތަ އަޑުއެހުމުގައި ސާފުކޮށްދީފައިނުވާނަމަ، އެ ނުކުތާއާމެދު ކޯޓުން ގޮތެއް ކަނޑައަޅަންޖެހޭ ޤާނޫނީ ސަބަބެއް ނެތެވެ. (ޕެރ. 7)