ޕްރޮސިކިއުޓަރ ޖެނެރަލްގެ އޮފީސް ވ. ޙުސައިން މޫސާ

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2020/HC-A/196

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމު

3. މައްސަލަ ރަޖިސްޓްރީ ކުރެވުނު ތާރީޚް: 07 އޮކްޓޯބަރ 2020 – ބާޠިލުކުރި ތާރީޚް: 20 ނޮވެމްބަރ 2025

4. އިސްތިއުނާފު ކުރި ފަރާތް:

ފުރިހަމަ ނަން: ޕްރޮސިކިއުޓަރ ޖެނެރަލްގެ އޮފީސް

5. އިސްތިއުނާފު ރައްދުވި ފަރާތް:

ފުރިހަމަ ނަން: ޙުސައިން މޫސާ

6. ހުށަހެޅިފައިވާ މައްސަލަ:

މާލެއަތޮޅު ކާށިދޫ މެޖިސްޓްރޭޓް ކޯޓްގެ ނަންބަރު 115/H1C/2016 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީހުގެ ފަރާތުން ހުށަހަޅާފައިވާ މައްސަލަ.

7. ހައިކޯޓުން ނިންމި ގޮތް:

މާލެއަތޮޅު ކާށިދޫ މެޖިސްޓްރޭޓް ކޯޓްގެ ނަންބަރު 115/H1C/2016 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީހުގެ ފަރާތުން ހުށަހެޅި މައްސަލައަކީ ދިވެހިރާއްޖޭގެ ހައިކޯޓުގެ ނަންބަރު 2020/HC-A/196 ޤަޟިއްޔާއިން ބަލަމުންދާ މައްސަލައެކެވެ.

ދިވެހިރާއްޖޭގެ ހައިކޯޓުގެ ނަންބަރު 2020/HC-A/196 ޤަޟިއްޔާއިން ބަލަމުންދާ މައްސަލަ އިސްތިއުނާފުކުރުމަށް ހުށަހެޅިފަހުން، ޕްރޮސިކިއުޓަރ ޖެނެރަލްގެ އޮފީހުގެ ފަރާތުން، މާލެއަތޮޅު ކާށިދޫ މެޖިސްޓްރޭޓް ކޯޓްގެ ނަންބަރު 115/H1C/2016 ޤަޟިއްޔާ މުރާޖަޢާކުރިއިރު، މި މައްސަލައިގެ ހާދިސާ ހިނގިފަހުން 15 (ފަނަރަ) އަހަރު ފާއިތުވެފައިވާތީއާއި، މި މައްސަލައިގައި ދައުލަތަށް މާލީގެއްލުމެއް ލިބިފައިނުވާތީއާއި، އިސްތިއުނާފު ރައްދުވާ ފަރާތުގެ އިތުރު ކުށުގެ ރިކޯޑެއްނެތަތީއާއި، އިސްތިއުނާފު ރައްދުވާ ފަރާތަކީ މިހާރު ޢުމުރުން 80 (އަށްޑިހަ) އަހަރު ވެފައިވާ މީހަކަށްވާތީއާއި، މި މައްސަލަ އިތުރަށް ކުރިއަށް ނުގެންދިޔުމަށް ޕްރޮސިކިއުޓަރ ޖެނެރަލްގެ އޮފީހުން ނިންމާފައިވާތީ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެ (ނ) ގެ ދަށުން މި މައްސަލަ ބާޠިލު ކޮށްދިނުމަށް، ޕްރޮސިކިއުޓަރ ޖެނެރަލްގެ އޮފީހުގެ ނަންބަރު 196-A/95/2025/264 (25 އޮގަސްޓު 2025) ސިޓީއިން އެދިފައިވެއެވެ.

މި މައްސަލައިގައި ދައުލަތުން އެދިފައިވާގޮތަށް ރިޢާޔަތްކޮށް، ދިވެހިރާއްޖޭގެ ހައިކޯޓުގެ ނަންބަރު 2020/HC-A/196 ޤަޟިއްޔާއިން ބަލަމުން ގެންދިޔަ އިސްތިއުނާފުގެ މައްސަލަ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެދަށުން، ދިވެހިރާއްޖޭގެ ހައިކޯޓުން މައްސަލަބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ފާޠިމަތު ފަރްހީޒާ

ފަނޑިޔާރު ދީބާނާޒް ފަހުމީ (ރިޔާސަތު)

ފަނޑިޔާރު ޢަބްދުﷲ ޖަމީލް މޫސާ