ޕްރޮސިކިއުޓަރ ޖެނެރަލް ވ. އަބޫބަކުރު ހުސެއިން

ނަތީޖާ: ދަޢުވާ ފޯމް ބާޠިލު

ކީވޯޑުތައް: ޖިނާއީ، ދައުވާ ފޯމް ބާތިލުކުރުން

ދަށު ކޯޓު: ހދ. ކުޅުދުއްފުށީ މެޖިސްޓްރޭޓް ކޯޓު 166/B12C/2017

ކޯޓުން ނިންމަން ޖެހުނު ސުވާލު

މެޖިސްޓްރޭޓް ކޯޓުގެ ޤަޟިއްޔާއެއް ޕްރޮސިކިއުޓަރ ޖެނެރަލް އިސްތިއުނާފުކޮށް، ފަހުން އިސްތިއުނާފު ކުރިއަށް ނުގެންދިއުމަށް އެދުމުން ދަޢުވާ ފޯމު ބާޠިލުކުރަންވީތޯ.

ޚުލާޞާ

ވާޤިޢާ: ހދ. ކުޅުދުއްފުށީ މެޖިސްޓްރޭޓް ކޯޓުގެ 166/B12C/2017 ޤަޟިއްޔާ ޕްރޮސިކިއުޓަރ ޖެނެރަލްގެ އޮފީހުން އިސްތިއުނާފުކުރި މައްސަލައެކެވެ.

ޚަޞްމުންގެ ހުށަހެޅުންތައް: ޕްރޮސިކިއުޓަރ ޖެނެރަލްގެ އޮފީހުން މުރާޖަޢާކުރިއިރު، ޤާނޫނީ ބަޙުޘަކީ ސުޕްރީމް ކޯޓުން ގޮތެއް ނިންމާފައިވާ ބަޙުޘެއް ކަމަށާއި، ކުށަކީ ޖުނަޙުގެ ކުށެއް ކަމަށާއި، ދިގު މުއްދަތެއް ފާއިތުވެފައިވާތީ އިސްތިއުނާފު ކުރިއަށް ގެންދިއުމުގެ މަޞްލަޙަތެއް ނެތް ކަމަށް ބުނެ ދަޢުވާ ފޯމު ބާޠިލުކޮށް ލިޔެކިޔުންތައް އަނބުރާ ފޮނުވުމަށް އެދިފައިވެއެވެ.

ކޯޓުގެ ސަބަބުތައް: ޕްރޮސިކިއުޓަރ ޖެނެރަލްގެ އޮފީހުގެ އެދުމުގެ މައްޗަށް ދަޢުވާ ފޯމު ބާޠިލުކުރެވިފައެވެ.

ކަނޑައެޅި ޤާނޫނީ އުޞޫލުތައް

1. ޖިނާއީ މައްސަލައެއްގެ އިސްތިއުނާފުކުރި ޕްރޮސިކިއުޓަރ ޖެނެރަލްގެ އޮފީހުން، އެ މައްސަލައިގެ ޤާނޫނީ ބަޙުޘަކީ ސުޕްރީމް ކޯޓުން ގޮތެއް ނިންމާފައިވާ ބަޙުޘެއް ކަމަށާއި، ކުށަކީ ޖުނަޙުގެ ކުށެއްކަމަށާއި، ޝަރީޢަތް ނުނިމި ދިގު މުއްދަތެއް ފާއިތުވެފައިވާތީ އިސްތިއުނާފު ކުރިއަށް ގެންދިއުމުގެ މަޞްލަޙަތެއް ނެތް ކަމަށް ބުނެ ދަޢުވާ ފޯމު ބާޠިލުކުރުމަށް އެދުމުން، ދަޢުވާ ފޯމު ބާޠިލުކުރެވިފައިވެއެވެ.