އައްޑޫ ސިޓީ ކައުންސިލް ވ. ހައްވާދިޔެ

ދަޢުވާ ފޯމް ބާޠިލުކުރި ރިޕޯޓު

1. ދިވެހިރާއްޖޭގެ ހައިކޯޓުގެ ޤަޟިއްޔާ ނަންބަރު: 2022/HC-A/278 (2021/HC-S-A/02)

2. މައްސަލަ ހުށަހެޅި ފޯމުގެ ބާވަތް: ގޯއްޗާބެހޭ

3. މައްސަލަ ރަޖިސްޓަރީކުރެވުނު ތާރީޚް: 05 ސެޕްޓެންބަރު 2021 ބާޠިލްކުރި ތާރީޚް: 27 އޮގަސްޓު 2026

4. އިސްތިއުނާފުކުރި ފަރާތް:

ފުރިހަމަ ނަން: އައްޑޫ ސިޓީ ކައުންސިލް

5. އިސްތިއުނާފު ރައްދުވި ފަރާތްތައް:

ފުރިހަމަ ނަން: ޙައްވާދިޔެ

ފުރިހަމަ ނަން: ދައުލަތް (އެޓަރނީ ޖެނެރަލްގެ އޮފީސް)

6. ތަދައްކުލުވި ފަރާތް:

ފުރިހަމަ ނަން: ޢަބްދުﷲ

7. ހުށަހެޅިފައިވާ މައްސަލަ:

އައްޑުއަތޮޅު ހިތަދޫ މެޖިސްޓްރޭޓް ކޯޓުގެ ނަންބަރު 191/S2C/2018 ޤަޟިއްޔާ އިސްތިއުނާފުކުރުމަށް އެދި އައްޑޫ ސިޓީ ކައުންސިލްގެ ފަރާތުން ހުށަހަޅާފައިވާ މައްސަލަ.

8. ދިވެހިރާއްޖޭގެ ހައިކޯޓުން ނިންމިގޮތް:

އައްޑުއަތޮޅު ހިތަދޫ މެޖިސްޓްރޭޓް ކޯޓުގެ ނަންބަރު 191/S2C/2018 ޤަޟިއްޔާ އިސްތިއުނާފުކުރުމަށް އެދި އައްޑޫ ސިޓީ ކައުންސިލްގެ ފަރާތުން ހުށަހަޅާފައިވާ މައްސަލަ މިކޯޓުން ބަލަމުންދަނީ މިކޯޓުގެ ނަންބަރު 2022/HC-A/278 (2021/HC-S-A/02) ޤަޟިއްޔާއިންނެވެ.

މި މައްސަލައިގައި ހިމެނޭ އެއް ޚަޞްމު ނިޔާވެފައިވާތީއާއި މި މައްސަލަ ކުރިއަށްގެންދިޔުމުގައި ކައުންސިލްގެ މަޞްލަޙަތެއް މިވަގުތު އޮތްކަމަށް ނުފެންނަކަމަށް ބުނެ މި މައްސަލަ ބާޠިލުކޮށްދިނުމަށް އެދި އައްޑޫ ސިޓީ ކައުންސިލްގެ ފަރާތުން މި ކޯޓަށް ސިޓީ[1] ފޮނުވާފައިވާތީ، ދިވެހިރާއްޖޭގެ ހައިކޯޓުގެ ޤަވާޢިދު 2011 ގެ 35 ވަނަ މާއްދާގެ ދަށުން ދިވެހިރާއްޖޭގެ ހައިކޯޓުގެ ނަންބަރު 2022/HC-A/278 (2021/HC-S-A/02) ޤަޟިއްޔާގެ ދަޢުވާ ފޯމު، މި ޤަޟިއްޔާ ބެލި ދިވެހިރާއްޖޭގެ ހައިކޯޓުގެ ފަނޑިޔާރުންގެ އިއްތިފާޤުން ބާޠިލުކޮށްފީމެވެ.

9. މައްސަލަ ނިންމި ފަނޑިޔާރުން:

ފަނޑިޔާރު ޙުސައިން މަޒީދު

ފަނޑިޔާރު ޙުޒައިފާ މުޙައްމަދު (ރިޔާސަތު)

ފަނޑިޔާރު ޙަސަން ޝަފީޢު

[1] އައްޑޫ ސިޓީ ކައުންސިލްގެ އިދާރާގެ ނަންބަރު 426-AB/95/2026/1 (26 އޮގަސްޓް 2026) ސިޓީ