ޕްރޮސިކިއުޓަރ ޖެނެރަލްގެ އޮފީސް ވ. ޙަސަން ޢަލީމް ޒުހުރީ

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2022/HC-A/280 (2021/HC-S-A/04)

2. މައްސަލަ ހުށަހެޅި ފޯމުގެ ބާވަތް: އަނިޔާއެއް ދިނުން

3. މައްސަލަ ރަޖިސްޓްރީ ކުރެވުނު ތާރީޚް: 06 ސެޕްޓެމްބަރ 2021 – ބާޠިލުކުރި ތާރީޚް: 01 އޮކްޓޯބަރ 2025

4. އިސްތިއުނާފު ކުރި ފަރާތް:

ފުރިހަމަ ނަން: ޕްރޮސިކިއުޓަރ ޖެނެރަލްގެ އޮފީސް

5. އިސްތިއުނާފު ރައްދުވި ފަރާތް:

ފުރިހަމަ ނަން: ޙަސަން ޢަލީމް ޒުހުރީ

6. ހުށަހެޅިފައިވާ މައްސަލަ:

އައްޑުއަތޮޅު ހިތަދޫ މެޖިސްޓްރޭޓް ކޯޓްގެ ނަންބަރު 433/S2C/2017 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީސްގެ ފަރާތުން ހުށަހަޅާފައިވާ މައްސަލަ.

7. ހައިކޯޓުން ނިންމި ގޮތް:

އައްޑުއަތޮޅު ހިތަދޫ މެޖިސްޓްރޭޓް ކޯޓްގެ ނަންބަރު 433/S2C/2017 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީސްގެ ފަރާތުން ހުށަހެޅި މައްސަލައަކީ، ދިވެހިރާއްޖޭގެ ހައިކޯޓުގެ ނަންބަރު 2022/HC-A/280 (2021/HC-S-A/04) ޤަޟިއްޔާއިން ބަލަމުންދާ މައްސަލައެކެވެ.

ދިވެހިރާއްޖޭގެ ހައިކޯޓުގެ ނަންބަރު 2022/HC-A/280 (2021/HC-S-A/04) ޤަޟިއްޔާއިން ބަލަމުންދާ މައްސަލަ އިސްތިއުނާފުކުރުމަށް ހުށަހެޅިފަހުން، ޕްރޮސިކިއުޓަރ ޖެނެރަލްގެ ފަރާތުން، އައްޑުއަތޮޅު ހިތަދޫ މެޖިސްޓްރޭޓް ކޯޓްގެ ނަންބަރު 433/S2C/2017 ޤަޟިއްޔާ މުރާޖަޢާކޮށް ބެލިއިރު، މި މައްސަލައިގެ ހާދިސާ ހިނގައިދިޔަފަހުން 8 (އަށެއް) އަހަރު ފާއިތުވެފައިވާތީއާއި، މައްސަލައިގައި ކޮށްފައިވާ ދަޢުވާއަށް ކަނޑައެޅޭނެ އަދަބަކީ ނިސްބަތުންކުޑަ އަދަބެއް ކަމުގައިވާތީއާއި، ދިވެހިރާއްޖޭގެ ހައިކޯޓުގެ ކުރިމަތީގައި ޖަވާބު ބޭނުންވާ ޚާއްޞަ ޤާނޫނީ ސުވާލެއް ނެތުމުން، މި މައްސަލަ އިތުރަށް ކުރިއަށް ނުގެންދިޔުމަށް ޕްރޮސިކިއުޓަރ ޖެނެރަލްގެ އޮފީހުން ނިންމަވާފައިވާތީ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެ (ނ)ގެ ދަށުން މި މައްސަލަ ބާޠިލު ކޮށްދިނުމަށް، ޕްރޮސިކިއުޓަރ ޖެނެރަލްގެ އޮފީހުގެ ނަންބަރު 196-A/95/2025/201 (29 ޖޫން 2025) ސިޓީއިން އެދިފައިވެއެވެ.

މި މައްސަލައިގައި ދައުލަތުން އެދިފައިވާގޮތަށް ރިޢާޔަތްކޮށް، ދިވެހިރާއްޖޭގެ ހައިކޯޓުގެ ނަންބަރު 2022/HC-A/280 (2021/HC-S-A/04) ޤަޟިއްޔާއިން ބަލަމުން ގެންދިޔަ އިސްތިއުނާފުގެ މައްސަލަ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެދަށުން، ދިވެހިރާއްޖޭގެ ހައިކޯޓުން މައްސަލަބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު މުޙައްމަދު ނިޔާޒް

ފަނޑިޔާރު ދީބާނާޒް ފަހުމީ (ރިޔާސަތު)

ފަނޑިޔާރު ޙަސަން ޝަފީޢު