އިބްރާހީމް ޢަބްދުﷲ ވ. ޖޭ.އޭ.އާރު.އެޗް މޯލްޑިވްސް ޕވޓ ލޓޑ

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2022/HC-A/331

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމް

3. މައްސަލަ ރަޖިސްޓްރީ ކުރެވުނު ތާރީޚް: 01 ސެޕްޓެންބަރު 2022 – ބާޠިލުކުރި ތާރީޚް: 05 މެއި 2026

4. އިސްތިއުނާފް ކުރި ފަރާތް:

ފުރިހަމަ ނަން: އިބްރާހީމް ޢަބްދުﷲ

5. އިސްތިއުނާފް ރައްދުވި ފަރާތް:

ފުރިހަމަ ނަން: ޖޭ.އޭ.އާރު.އެޗް މޯލްޑިވްސް ޕްރައިވެޓް ލިމިޓެޑް

6. ހުށަހެޅިފައިވާ މައްސަލަ:

ވަޒީފާއާބެހޭ ޓްރައިބިއުނަލްގެ ނަންބަރު 222/VTR/2020 ޤަޟިއްޔާ އިސްތިއުނާފު ކުރުމަށް އެދި އިބްރާހީމް ޢަބްދުﷲ ގެ ފަރާތުން ހުށަހަޅާފައިވާ މައްސަލަ.

7. ހައިކޯޓުން ނިންމި ގޮތް:

ވަޒީފާއާބެހޭ ޓްރައިބިއުނަލްގެ ނަންބަރު 222/VTR/2020 ޤަޟިއްޔާ އިސްތިއުނާފު ކުރުމަށް އެދި އިބްރާހީމް ޢަބްދުﷲގެ ފަރާތުން ހުށަހެޅުމުން ބެލުމަށް ހަމަޖެހިފައިވާ މިކޯޓުގެ ނަންބަރު 2022/HC-A/331 ޤަޟިއްޔާގެ ޝަރީޢަތް ބޭއްވުމަށްޓަކައި، އިބްރާހީމް ޢަބްދުﷲގެ ޤާނޫނީ ވަކީލަށް ދިވެހިރާއްޖޭގެ ހައިކޯޓަށް ޙާޟިރުވުމަށް އަންގައި ފޮނުވި މިކޯޓުގެ ނަންބަރު 95-B4/CHT/2026/1256 "ކޯޓަށް ޙާޟިރުވުމުގެ އަމުރު" ރައްދުވެފައިވާއިރު، އެ އަމުރުގައިވާ ގޮތުގެ މަތިން، އެ އަމުރުގައިވާ ތާރީޚާއި ގަޑިއަށް އިބްރާހީމް ޢަބްދުﷲގެ ޤާނޫނީ ވަކީލު ދިވެހިރާއްޖޭގެ ހައިކޯޓަށް ޙާޟިރުވެފައިނުވާތީއާއި އަދި ޙާޟިރުނުވި ސަބަބެއްވެސް އަންގާފައިނުވާތީ، ދިވެހިރާއްޖޭގެ ހައިކޯޓުގެ ގަވާއިދުގެ 48 ވަނަ މާއްދާގެ (ހ) ގައިވާ ގޮތުގެ މަތީން އިބްރާހީމް ޢަބްދުﷲގެ ފަރާތުން އިސްތިއުނާފުކުރުމަށް ހުށަހަޅާފައިވާ ދިވެހިރާއްޖޭގެ ހައިކޯޓުގެ ނަންބަރު 2022/HC-A/331 ޤަޟިއްޔާގެ ދަޢުވާ ފޯމް، މި ޤަޟިއްޔާ ދިވެހިރާއްޖޭގެ ހައިކޯޓުގައި ބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު އިބްރާހީމް މާހިރު

ފަނޑިޔާރު ޢަބްދުއްރައޫފު އިބްރާހީމް (ރިޔާސަތު)

ފަނޑިޔާރު ޙުސައިން މަޒީދު