މޯލްޑިވްސް އިންލަންޑް ރެވެނިއު އޮތޯރިޓީ ވ. އަމިން ބިލްޑްވެއަރ ޕްރައިވެޓް ލިމިޓެޑް

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2022/HC-A/370

2. މައްސަލަ ހުށަހެޅި ފޯމުގެ ބާވަތް: އިސްތިއުނާފުކުރުމަށް އެދި ހުށަހަޅާ ފޯމް

3. މައްސަލަ ރަޖިސްޓްރީ ކުރެވުނު ތާރީޚް: 04 އޮކްޓޫބަރު 2022 – ބާޠިލުކުރި ތާރީޚް: 15 އޮކްޓޫބަރު 2025

4. އިސްތިއުނާފު ކުރި ފަރާތް:

ފުރިހަމަ ނަން: މޯލްޑިވްސް އިންލަންޑް ރެވެނިއު އޮތޯރިޓީ

5. އިސްތިއުނާފު ރައްދުވި ފަރާތް:

ފުރިހަމަ ނަން: އަމިން ބިލްޑްވެއަރ ޕްރައިވެޓް ލިމިޓެޑް

6. ހުށަހެޅިފައިވާ މައްސަލަ:

ޓެކްސް އެޕީލް ޓްރައިބިއުނަލްގެ ނަންބަރު TAT-CA-B/2020/032 މައްސަލަ އިސްތިއުނާފު ކުރުމަށް އެދި މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން ހުށަހަޅާފައިވާ މައްސަލަ.

7. ހައިކޯޓުން ނިންމި ގޮތް:

ޓެކްސް އެޕީލް ޓްރައިބިއުނަލްގެ ނަންބަރު TAT-CA-B/2020/032 މައްސަލަ އިސްތިއުނާފުކުރުމަށް އެދި މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން ދިވެހިރާއްޖޭގެ ހައިކޯޓަށް ހުށަހަޅާފައިވާ މައްސަލަ މި ކޯޓުން ބަލަމުންދަނީ މި ކޯޓުގެ ނަންބަރު 2022/HC-A/370 ޤަޟިއްޔާއިންނެވެ.

މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން އިސްތިއުނާފުކޮށްފައިވާ ނުކުތާތަކީ ޓެކްސް އެޕީލް ޓްރައިބިއުނަލަށް އިސްތިއުނާފުކުރުމުގެ މުއްދަތު ގުނުމާ ގުޅޭ އިޖުރާއީ ނުކުތާއެއްކަމަށްވާއިރު، މިހާރު މި ނުކުތާތަކާއި ގުޅިގެން ދިވެހިރާއްޖޭގެ ސުޕްރީމް ކޯޓުން ގޮތެއް ކަނޑައަޅާ ހައްލެއް ހޯއްދަވާދެއްވާފައިވާތީ މި މައްސަލަ އަނބުރާ ގެންދިޔުމަށް އެދި މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން މިކޯޓަށް ސިޓީ[1] ފޮނުވާފައިވާތީ، ދިވެހިރާއްޖޭގެ ހައިކޯޓުގެ ޤަވާޢިދު 2011 ގެ 35 ވަނަ މާއްދާގެ ދަށުން ދިވެހިރާއްޖޭގެ ހައިކޯޓުގެ ނަންބަރު 2022/HC-A/370 ޤަޟިއްޔާގެ ދައުވާ ފޯމު، މި ޤަޟިއްޔާ ބެލި ހައިކޯޓުގެ ފަނޑިޔާރުންގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ޙުޒައިފާ މުޙައްމަދު

ފަނޑިޔާރު ޙަސަން ޝަފީޢު (ރިޔާސަތު)

ފަނޑިޔާރު ދީބާނާޒް ފަހުމީ

[1] މޯލްޑިވްސް އިންލަންޑް ރެވެނިއު އޮތޯރިޓީގެ ނަންބަރު 220-LSS/95/2025/34 (14 އޮކްޓޫބަރު 2025) ސިޓީ.