މޯލްޑިވްސް އިންލަންޑް ރެވެނިއު އޮތޯރިޓީ ވ. އަމިން ކޮންސްޓްރަކްޝަން ޕްރައިވެޓް ލިމިޓެޑް

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2022/HC-A/371

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމު

3. މައްސަލަ ރަޖިސްޓްރީ ކުރެވުނު ތާރީޚް: 04 އޮކްޓޯބަރ 2022 – ބާޠިލުކުރި ތާރީޚް: 15 އޮކްޓޯބަރ 2025

4. އިސްތިއުނާފު ކުރި ފަރާތް:

ފުރިހަމަ ނަން: މޯލްޑިވްސް އިންލަންޑް ރެވެނިއު އޮތޯރިޓީ

5. އިސްތިއުނާފު ރައްދުވި ފަރާތް:

ފުރިހަމަ ނަން: އަމިން ކޮންސްޓްރަކްޝަން ޕްރައިވެޓް ލިމިޓެޑް

6. ހުށަހެޅިފައިވާ މައްސަލަ:

ޓެކްސް އެޕީލް ޓްރައިބިއުނަލްގެ ނަންބަރު TAT-CA-B/2020/033 މައްސަލަ އިސްތިއުނާފު ކުރުމަށްއެދި މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން ހުށަހަޅާފައިވާ މައްސަލަ.

7. ހައިކޯޓުން ނިންމި ގޮތް:

ޓެކްސް އެޕީލް ޓްރައިބިއުނަލްގެ ނަންބަރު TAT-CA-B/2020/033 މައްސަލަ އިސްތިއުނާފު ކުރުމަށްއެދި މޯލްޑިވްސް އިންލަންޑް ރެވެނިއު އޮތޯރިޓީގެ ފަރާތުން ހުށަހެޅި މައްސަލައަކީ ދިވެހިރާއްޖޭގެ ހައިކޯޓުގެ ނަންބަރު 2022/HC-A/371 ޤަޟިއްޔާއިން ބަލަމުންދާ މައްސަލައެކެވެ.

ދިވެހިރާއްޖޭގެ ހައިކޯޓުގެ ނަންބަރު 2022/HC-A/371 ޤަޟިއްޔާއިން ބަލަމުންދާ މައްސަލަ އިސްތިއުނާފުކުރުމަށް ހުށަހެޅިފަހުން، މި މައްސަލައިގެ އިސްތިއުނާފީ ނުކުތާތަކަކީ ޓެކްސް އެޕީލް ޓްރައިބިއުނަލަށް އިސްތިއުނާފުކުރުމުގެ މުއްދަތު ގުނުމާގުޅޭ އިޖުރާއީ ނުކުތާތަކަކަށްވާއިރު، އެ ނުކުތާތަކާ ގުޅޭގޮތުން މިހާރު ދިވެހިރާއްޖޭގެ ސުޕްރީމް ކޯޓުން ގޮތެއް ކަނޑައަޅުއްވައި ޙައްލެއް ހޯއްދަވައި ދެވާފައިވާތީ، މޯލްޑިވްސް އިންލަންޑް ރެވެނިއު އޮތޯރިޓީއިން ހުށަހަޅާފައިވާ އިސްތިއުނާފު އިތުރަށް ކުރިއަށް ގެންދަން ބޭނުންނުވާކަމަށާއި މައްސަލަ އަނބުރާ ގެންދިޔުމަށް، އެ އޮތޯރިޓީގެ ނަންބަރު 220-LSS/95/2025/34 (14 އޮކްޓޯބަރ 2025) ސިޓީއިން އެދިފައިވެއެވެ.

މޯލްޑިވްސް އިންލަންޑް ރެވެނިއު އޮތޯރިޓީއިން އެދިފައިވާގޮތަށް ރިޢާޔަތްކޮށް، ދިވެހިރާއްޖޭގެ ހައިކޯޓުގެ ނަންބަރު 2022/HC-A/371 ޤަޟިއްޔާއިން ބަލަމުން ގެންދިޔަ އިސްތިއުނާފުގެ މައްސަލަ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެދަށުން، ދިވެހިރާއްޖޭގެ ހައިކޯޓުން މައްސަލަބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ޙަސަން ޝަފީޢު

ފަނޑިޔާރު ދީބާނާޒް ފަހުމީ (ރިޔާސަތު)

ފަނޑިޔާރު ޙުޒައިފާ މުޙައްމަދު