ގޭޖް ޕްރައިވެޓް ލިމިޓެޑް ވ. ނާޝިޛު އުޘްމާން

ނަތީޖާ: ދަޢުވާ ފޯމް ބާޠިލު

ކީވޯޑުތައް: ވަޒީފާއާބެހޭ، ދައުވާ ފޯމް ބާތިލުކުރުން

ދަށު ކޯޓު: ވަޒީފާއާބެހޭ ޓްރައިބިއުނަލް 164/VTR/2021

ކޯޓުން ނިންމަން ޖެހުނު ސުވާލު

އިސްތިއުނާފުކުރާ ފަރާތުގެ ވަކީލު މެޑިކަލް ލިޔުމެއް ހުށަނާޅައި ތަކުރާރުކޮށް އަޑުއެހުންތައް ކެންސަލްކުރުމަށް އެދެމުންދާ ޙާލަތުގައި އިސްތިއުނާފު ފޯމް ބާޠިލުކުރެވޭނެތޯ.

ޚުލާޞާ

ވާޤިޢާ: ވަޒީފާއާބެހޭ ޓްރައިބިއުނަލްގެ ޙުކުމެއް އިސްތިއުނާފުކޮށް ތަންފީޒު ފަސްކުރުމުގެ އަމުރު ހޯދުމަށްފަހު، އިސްތިއުނާފުކުރި ފަރާތުގެ ވަކީލު ބަލިވުމާއި އާއިލީ ސަބަބުތައް ބުނެ ޖެހިޖެހިގެން 3 އަޑުއެހުން ކެންސަލްކުރުމަށް އެދި، މެޑިކަލް ލިޔުމެއް ހުށަނާޅައެވެ.

ކޯޓުގެ ސަބަބުތައް: ގަވާއިދާ އެއްގޮތަށް މެޑިކަލް ލިޔުން ހުށަހަޅަން އަންގައި، ނުހުށަހަޅައިފިނަމަ ބާޠިލުކުރެވޭނެކަން އެންގި ނަމަވެސް ހުށަނާޅާތީ، މައްސަލަ ލަސްކުރުމަކީ ޝަރުޢީ ނިޒާމުގެ ނަހަމަ ބޭނުމެއްކަމަށް ބުރަވެވުނެވެ.

ކަނޑައެޅި ޤާނޫނީ އުޞޫލުތައް

1. ހައިކޯޓުގެ ހުއްދަ ނުހޯދައި ވަކީލު ރާއްޖެއިން ބޭރަށް ދިއުމަކީ "ހައިކޯޓަށް މީހުން ހާޟިރުކުރުމުގައި ޢަމަލުކުރާނެ ގޮތުގެ ގަވާއިދު" ގެ 21 ވަނަ މާއްދާގައި ލާޒިމްކުރާ ގޮތާ ޚިލާފު ކަމެކެވެ.
2. ބަލިވުމުގެ ސަބަބުން އަޑުއެހުމަށް ހާޟިރުނުވާނަމަ، އެ ގަވާއިދުގެ 7 ވަނަ މާއްދާގައިވާ މެޑިކޯ ލީގަލް ރިޕޯޓެއް ނުވަތަ ހައިކޯޓުން ދޫކުރާ މެޑިކަލް ފޯމު ހުށަހަޅަން ޖެހެއެވެ.
3. ދަށު ކޯޓުގެ ޙުކުމް ތަންފީޒުކުރުން ފަސްކުރުމުގެ އަމުރެއް ހޯދައިގެން، މެޑިކަލް ލިޔުމެއް ހުށަނާޅައި ތަކުރާރުކޮށް އަޑުއެހުންތައް ކެންސަލްކުރުމަށް އެދި މައްސަލަ ލަސްކުރުމަކީ ޝަރުޢީ ނިޒާމުގެ ބޭނުން ނަހަމަ ގޮތުގައި ހިފުމުގެ ޢަމަލެއް ކަމުގައި ކޯޓުން ބުރަވެ، އިސްތިއުނާފު ފޯމް ބާޠިލުކުރިއެވެ.

ބަލާފައިވާ ޤާނޫނުތައް

• ހައިކޯޓަށް މީހުން ހާޟިރުކުރުމުގައި ޢަމަލުކުރާނެ ގޮތުގެ ގަވާއިދުގެ 7 ވަނަ މާއްދާ
• ހައިކޯޓަށް މީހުން ހާޟިރުކުރުމުގައި ޢަމަލުކުރާނެ ގޮތުގެ ގަވާއިދުގެ 21 ވަނަ މާއްދާ