ޕްރޮސިކިއުޓަރ ޖެނެރަލްގެ އޮފީސް ވ. އަޙްމަދު މުފީދު
ކުރީގެ ތާރީޚު / ފަހުގެ ތާރީޚު
- ކުރީގެ ތާރީޚު
- އދ. ދަނގެތީ މެޖިސްޓްރޭޓް ކޯޓު (21/16C/2016)
- ފަހުގެ ތާރީޚު
- ސުޕްރީމް ކޯޓަށް އިސްތިއުނާފުކުރިކަމެއް ޑޭޓާބޭސްގައި ނެތް
ކޯ ޓާމްސް
ޚުލާޞާ
- ކޯޓަށް އައި ގޮތް
- އަރިއަތޮޅު ދެކުނުބުރީ ދަނގެތީ މެޖިސްޓްރޭޓް ކޯޓުގެ 21/16C/2016 ޤަޟިއްޔާ އިސްތިއުނާފުކުރުމަށް އެދި ޕްރޮސިކިއުޓަރ ޖެނެރަލްގެ އޮފީހުން ހުށަހެޅުމުން، ހައިކޯޓުގެ 2022/HC-A/5 ޤަޟިއްޔާއިން މައްސަލަ ބަލަމުން ދިޔައެވެ. މައްސަލަ ހައިކޯޓުގައި ރަޖިސްޓްރީކުރެވުނީ 02 ޖަނަވަރީ 2022 ގައެވެ. އިބްތިދާއީ މަރުޙަލާގައި ދަށުކޯޓުން މައްސަލަ ބާޠިލުކޮށްފައިވެއެވެ.
- ވާޤިޢާ
- މިއީ އިތުބާރުކުރެވޭ މަޤާމެއްގައި ހުރެ ކުޑަކުއްޖަކާމެދު ޖިންސީ ޢަމަލެއް ހިންގުމުގެ ތުހުމަތުގައި ދައުލަތުން ކުރި ދަޢުވާއެކެވެ. ދަށުކޯޓުން މައްސަލަ ބާޠިލުކުރުމުން، ޕްރޮސިކިއުޓަރ ޖެނެރަލްގެ އޮފީހުން އިސްތިއުނާފުކުރިއެވެ.
- ކޯޓުން ނިންމަން ޖެހުނު ސުވާލު
- ޕްރޮސިކިއުޓަރ ޖެނެރަލްގެ އޮފީހުން އިސްތިއުނާފު ކުރިއަށް ނުގެންދިއުމަށް ނިންމައި ދަޢުވާ ފޯމު ބާޠިލުކޮށްދިނުމަށް އެދުމުން، ދިވެހިރާއްޖޭގެ ހައިކޯޓުގެ ޤަވާޢިދުގެ 35 ވަނަ މާއްދާގެ ދަށުން އިސްތިއުނާފުގެ ދަޢުވާ ފޯމު ބާޠިލުކުރަންވީތޯ.
- ޚަޞްމުންގެ ހުށަހެޅުންތައް
- ޕްރޮސިކިއުޓަރ ޖެނެރަލްގެ އޮފީހުން 05 އޮގަސްޓު 2025 ގައި ހައިކޯޓަށް ފޮނުވި ސިޓީގައި، ހާދިސާ ހިނގިފަހުން 10 އަހަރު ފާއިތުވެފައިވާތީއާއި، ހައިކޯޓަށް އިސްތިއުނާފުކުރިފަހުން 4 އަހަރު ވީއިރުވެސް މައްސަލަ ނިމިފައިނުވާތީއާއި، އަލުން ދަށުކޯޓުގައި މައްސަލަ ސާބިތުކުރެވޭނީ އަނިޔާ ލިބުނު ކުއްޖާއާއި އެކުއްޖާގެ މަންމަގެ ހެކިބަސް ލިބިގެން ކަމަށްވާއިރު، ހެކިބަސްދޭން އެމީހުން ބޭނުންނުވާކަމަށް އަންގާފައިވާތީ، އިސްތިއުނާފު ކުރިއަށް ނުގެންދިއުމަށް ނިންމި ކަމަށް ބުނެ، ދަޢުވާ ފޯމު ބާޠިލުކޮށްދިނުމަށް އެދުނެވެ.
- ކޯޓުގެ ސަބަބުތައް
- ޕްރޮސިކިއުޓަރ ޖެނެރަލްގެ އޮފީހުން ކޯޓަށް ފޮނުވި ސިޓީއަށް ރިޢާޔަތްކޮށް، ދިވެހިރާއްޖޭގެ ހައިކޯޓުގެ ޤަވާޢިދު (2011) ގެ 35 ވަނަ މާއްދާގެ (ނ) ގެ ދަށުން، މައްސަލަ ބެލި ފަނޑިޔާރުންގެ މަޖިލީހުގެ އިއްތިފާޤުން އިސްތިއުނާފުގެ ދަޢުވާ ފޯމު ބާޠިލުކުރިއެވެ. މައްސަލައިގެ ޤާނޫނީ ނުކުތާއަކާމެދު ހައިކޯޓުން ގޮތެއް ނިންމާފައެއް ނުވެއެވެ.
ނިންމުން
ދަޢުވާ ފޯމު ބާޠިލު · ދަށު ކޯޓުގެ ނިންމުމަށް ބަދަލެއް ނާދޭއިސްތިއުނާފުގެ ދަޢުވާ ފޯމު ބާޠިލު (އިއްތިފާޤުން)
ކަނޑައެޅި ޤާނޫނީ އުޞޫލުތައް
މި ލިޔުމުން އުޞޫލެއް ނުނެގުނު.
ވަކީލުންނާއި ފަނޑިޔާރުން
- ވަކީލުން
- —
- ބެންޗު
- —
- ރިޔާސަތު
- —
- ރައުޔު ލިޔުނު ފަނޑިޔާރު
- —
- ޚިލާފު ރައުޔު
- ނެތް
ޙުކުމުގެ ލިޔުން
ކޯޓުން ޝާއިޢުކުރި ޙުކުމުގެ ލިޔުން. ޚަޞްމުންގެ އެޑްރެސްއާއި ކާޑު ނަންބަރު ފޮރުވާފައި. ޕެރެގްރާފް ނަންބަރުތައް ވަނީ ކޯޓުން ޖަހާފައިވާ ގޮތަށް.
1ދިވެހިރާއްޖޭގެ ހައިކޯޓުގެ ޤަޟިއްޔާ ނަންބަރު: 2022/HC-A/5
2މައްސަލަ ހުށަހެޅި ފޯމުގެ ބާވަތް: އިތުބާރުކުރެވޭ މަޤާމެގައިހުރެ ކުޑަކުއްޖަކާމެދު ޖިންސީ ޢަމަލެއް ހިންގުން
3މައްސަލަ ރަޖިސްޓްރީކުރެވުނު ތާރީޚް: 02 ޖަނަވަރީ 2022 * ބާޠިލްކުރި ތާރީޚް: 01 އޮކްޓޯބަރ 2025
4އިސްތިއުނާފު ކުރި ފަރާތް: * ފުރިހަމަ ނަން: ޕްރޮސިކިއުޓަރ ޖެނެރަލްގެ އޮފީސް * ދިވެހި ރައްޔިތެއްކަން އަންގައިދޭ ކާޑު ނަންބަރު: - * ޢާއްމު ނަން: * ދާއިމީ އެޑްރެސް: - * މިހާރުގެ އެޑްރެސް: ހ. ވެލާނާގެ، މާލެ
5އިސްތިއުނާފު ރައްދުވާ ފަރާތް: * ފުރިހަމަ ނަން: އަޙްމަދު މުފީދު * ދިވެހި ރައްޔިތެއްކަން އަންގައިދޭ ކާޑު ނަންބަރު: A031453 * ޢާއްމު ނަން: އަޙްމަދު މުފީދު * ދާއިމީ އެޑްރެސް: ނޫއަލި، އދ. ދަނގެތި * މިހާރުގެ އެޑްރެސް: ނޫއަލި، އދ. ދަނގެތި
6ހުށަހެޅިފައިވާ މައްސަލަ: އަރިއަތޮޅު ދެކުނުބުރީ ދަނގެތީ މެޖިސްޓްރޭޓް ކޯޓުގެ ނަންބަރު 21/16C/2016 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީސްގެ ފަރާތުން ހުށަހަޅާފައިވާ މައްސަލަ.
7ދިވެހިރާއްޖޭގެ ހައިކޯޓުން ނިންމިގޮތް: އަރިއަތޮޅު ދެކުނުބުރީ ދަނގެތީ މެޖިސްޓްރޭޓް ކޯޓުގެ ނަންބަރު 21/16C/2016 ޤަޟިއްޔާ އިސްތިއުނާފު ކުރުމަށްއެދި ޕްރޮސިކިއުޓަރ ޖެނެރަލްގެ އޮފީސްގެ ފަރާތުން ހުށަހެޅި މައްސަލައަކީ ދިވެހިރާއްޖޭގެ ހައިކޯޓުގެ ނަންބަރު 2022/HC-A/5 ޤަޟިއްޔާއިން ބަލަމުންދާ މައްސަލައެކެވެ. ދިވެހިރާއްޖޭގެ ހައިކޯޓުގެ ނަންބަރު 2022/HC-A/5 ޤަޟިއްޔާއިން ބަލަމުންދާ މައްސަލަ އިސްތިއުނާފުކުރުމަށް ހުށަހެޅިފަހުން، ޕްރޮސިކިއުޓަރ ޖެނެރަލްގެ އޮފީހުގެ ފަރާތުން އަރިއަތޮޅު ދެކުނުބުރީ ދަނގެތީ މެޖިސްޓްރޭޓް ކޯޓުގެ ނަންބަރު 21/16C/2016 ޤަޟިއްޔާ މުރާޖަޢާކޮށް ބެލިއިރު، މި މައްސަލައިގެ ހާދިސާ ހިނގިފަހުން 10 (ދިހައެއް) އަހަރު ފާއިތުވެފައިވާތީއާއި، މައްސަލަ ދިވެހިރާއްޖޭގެ ހައިކޯޓުގައި އިސްތިއުނާފުކުރި ފަހުން 4 (ހަތަރެއް) އަހަރު ދުވަސް ވެފައިވާއިރު އިސްތިއުނާފުކޮށްފައިވާ މައްސަލަ ނިމިފައިނުވާތީއާއި، މި މައްސަލައަކީ އިބްތިދާއީ މަރުޙަލާގައި ދަށުކޯޓުން ބާޠިލްކޮށްފައިވާ މައްސަލައަކަށްވުމުން، މައްސަލަ ސާބިތުކުރެވޭނީ އަލުން ދަށު ކޯޓުގައި މައްސަލަ ހިންގައި އަނިޔާ ލިބުނު ކުއްޖާއާއި އެކުއްޖާގެ މަންމަގެ ހެކިބަސް ލިބިގެންކަމަށްވާއިރު، މި މައްސަލައިގައި ހެކިބަސްދޭން ބޭނުންނުވާކަމަށާއި މައްސަލަ ކުރިއަށް ގެންދަން ބޭނުންނުވާކަމަށް އަނިޔާ ލިބުނު ކުއްޖާއާއި އެކުއްޖާގެ މަންމަ ޕްރޮސިކިއުޓަރ ޖެނެރަލްގެ އޮފީހަށް މަޢުލޫމާތު ދީފައިވާތީ، މި މައްސަލަ އިތުރަށް ކުރިއަށް ނުގެންދިޔުމަށް ޕްރޮސިކިއުޓަރ ޖެނެރަލްގެ އޮފީހުން ނިންމާފައިވާތީ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެ (ނ)އަށް ރިޢާޔަތްކޮށް މި މައްސަލަ ބާޠިލު ކޮށްދިނުމަށް، ޕްރޮސިކިއުޓަރ ޖެނެރަލްގެ އޮފީހުގެ ނަންބަރު 196-A/95/2025/242 (05 އޮގަސްޓު 2025) ސިޓީއިން އެދިފައިވެއެވެ. މި މައްސަލައިގައި ދައުލަތުން އެދިފައިވާގޮތަށް ރިޢާޔަތްކޮށް، ދިވެހިރާއްޖޭގެ ހައިކޯޓުގެ ނަންބަރު 2022/HC-A/5 ޤަޟިއްޔާއިން ބަލަމުން ގެންދިޔަ އިސްތިއުނާފުގެ މައްސަލަ، ދިވެހިރާއްޖޭގެ ހައިކޯޓުގެ ގަވާއިދުގެ 35 ވަނަ މާއްދާގެދަށުން، ދިވެހިރާއްޖޭގެ ހައިކޯޓުން މައްސަލަބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.
8މައްސަލަ ނިންމި ފަނޑިޔާރުން:
މި ޙުކުމުގެ ޚުލާޞާއާއި އުޞޫލުތައް ނަގާފައިވަނީ AI ބޭނުންކޮށް، އަދި ރިވިއު ނުކުރެވޭ. ޙަވާލާދިނުމުގެ ކުރިން ޕީޑީއެފް ބައްލަވާ.
ބަލާފައިވާ ޤާނޫނުތަކާއި ސާބިޤާތައް
- ދިވެހިރާއްޖޭގެ ހައިކޯޓުގެ ޤަވާޢިދު (2011) ގެ 35 ވަނަ މާއްދާގެ (ނ)
ޝަރީޢަތުގެ ވީޑިއޯ
މި ޤަޟިއްޔާއާ ގުޅޭ ވީޑިއޯއެއް ނުފެނޭ.