ބޭންކް އޮފް މޯލްޑިވްސް ވ. ޢަލީ ސިހާން ޙަސަން

ނަތީޖާ: ބައެއް ބަދަލުކުރި (ޙުކުމްކުރި ތާރީޚުގެ ފަހުން އަރާ އިންޓްރެސްޓް އިތުރުކުރި)

ދަށު ކޯޓު: ސިވިލް ކޯޓު 4888-CVC-2022

ކޯޓުން ނިންމަން ޖެހުނު ސުވާލު

ރަހުނު ނުހިމެނޭ ލޯނެއްގެ ބާކީ ފައިސާ ނަގައިދިން ސިވިލް ކޯޓުގެ ޣައިރު ޙާޟިރު ޙުކުމުގައި، ޙުކުމްކުރި ތާރީޚުގެ ފަހުން ލޯނަށް އަރަމުންދާ އިންޓްރެސްޓް ނަގައިނުދިނުމުން ޙުކުމަށް ބަދަލު ގެންނަންޖެހޭތޯ.

ކަނޑައެޅި ޤާނޫނީ އުޞޫލުތައް

1. އިސްތިއުނާފުކުރާ ފަރާތުން އަޑުއެހުމުގައި އިސްތިއުނާފީ ނުކުތާއެއް އަނބުރާ ގެންދިއުމަށް އެދުމުން، އެ ނުކުތާއާއި އެކަމާ ގުޅޭ އެދުން އުނިކޮށް، ބާކީ ނުކުތާގެ މައްޗަށް މައްސަލަ ބަލާނެއެވެ. (ޕެރ. 7.2.1، 16)
2. ދަޢުވާކުރާ ފަރާތުން ހޯދަން އެދޭ ފައިސާއަކީ ދައްކަންޖެހޭ ފައިސާއެއްކަމަށް ދަޢުވާ ރައްދުވާ ފަރާތުން ޝަރީޢަތުގައި އިޢުތިރާފުވެއްޖެނަމަ، އެ ފައިސާއަކީ ދައްކަންޖެހޭ ފައިސާއެއްކަން ޝަރީޢަތަށް ސާބިތުވެއެވެ؛ އެހެންކަމުން، ޙުކުމްކުރި ތާރީޚުގެ ފަހުން ލޯނަށް އަރާ އިންޓްރެސްޓް ދައްކާނެކަމަށް އިސްތިއުނާފު ރައްދުވާ ފަރާތް އިޢުތިރާފުވުމުން، އެ އިންޓްރެސްޓް އިތުރުކޮށް ދަށުކޯޓުގެ ޙުކުމަށް ބަދަލު ގެނެވެއެވެ. (ޕެރ. 18-21)