ގްރީން ޕާތް ޕްރައިވެޓް ލިމިޓެޑް ވ. އިސްމާއީލް ރަޝީދު

ނަތީޖާ: ދަޢުވާ ފޯމް ބާޠިލު

ދަށު ކޯޓު: ސިވިލް ކޯޓު 203/Cv-C/2022

ކޯޓުން ނިންމަން ޖެހުނު ސުވާލު

ޝަރީޢަތުގެ އަޑުއެހުމަށް ހާޒިރުވުމުގެ އަމުރު ރައްދުކުރެވިފައިވާ ޙާލަތުގައި، އިސްތިއުނާފުކުރި ފަރާތުގެ ވަކީލު ސުޕްރީމް ކޯޓުގެ އަޑުއެހުމެއް ސަބަބުކޮށް އަޑުއެހުން ކެންސަލްކުރުމަށް އެދި، ހާޒިރުނުވުމުން އިސްތިއުނާފު ފޯމު ބާޠިލުކުރެވޭނެތޯ.

ކަނޑައެޅި ޤާނޫނީ އުޞޫލުތައް

1. އެހެން ކޯޓެއްގެ އަޑުއެހުމަކަށް ހާޒިރުވާންޖެހޭ ގަޑި، ހައިކޯޓުގެ އަޑުއެހުން ތާވަލުކޮށްފައިވާ ގަޑިއާ ދިމާނުވާ ޙާލަތުގައި (ސުޕްރީމް ކޯޓު 11:15، ހައިކޯޓު 10:00)، އެކަމަކީ ހައިކޯޓުގެ އަޑުއެހުން ކެންސަލްކުރުމުގެ ސަބަބެއް ނޫނެވެ.
2. ކޯޓަށް ހާޒިރުވުމުގެ އަމުރު ރައްދުކުރެވިފައިވާ އިސްތިއުނާފުކުރާ ފަރާތް ނުވަތަ އޭނާގެ ވަކީލު މަޤުބޫލު ޢުޛުރެއް ނެތި އަޑުއެހުމަށް ހާޒިރުނުވުމުން، އިސްތިއުނާފުގެ ދަޢުވާ ފޯމު ބާޠިލުކުރެވިއްޖެއެވެ.