މަރްޔަމް ނިހާޔަތު ވ. އިންތިގާލީ އިންސާފުގެ އޮމްބަޑްސްޕަރސަން

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2024/HC-A/56

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމް

3. މައްސަލަ ރަޖިސްޓްރީ ކުރެވުނު ތާރީޚް: 07 މާރިޗު 2024 – ބާޠިލުކުރި ތާރީޚް: 22 އެޕްރީލް 2026

4. އިސްތިއުނާފްކުރި ފަރާތް:

ފުރިހަމަ ނަން: މަރްޔަމް ނިހާޔަތު

5. އިސްތިއުނާފް ރައްދުވި ފަރާތް:

ފުރިހަމަ ނަން: އިންތިޤާލީ އިންސާފުގެ އޮމްބަޑްސްޕަރސަންގެ އޮފީސް/ އެޓަރނީ ޖެނެރަލްގެ އޮފީސް

6. ހުށަހެޅިފައިވާ މައްސަލަ:

މިއީ، ވަޒީފާއާބެހޭ ޓްރައިބިއުނަލްގެ ނަންބަރު 172/VTR/2023 މައްސަލަ އިސްތިއުނާފުކުރުމަށް އެދި މަރްޔަމް ނިހާޔަތުގެ ފަރާތުން ދިވެހިރާއްޖޭގެ ހައިކޯޓަށް ހުށަހަޅާފައިވާ މައްސަލައެވެ.

7. ހައިކޯޓުން ނިންމި ގޮތް:

ވަޒީފާއާބެހޭ ޓްރައިބިއުނަލްގެ ނަންބަރު 172/VTR/2023 މައްސަލަ އިސްތިއުނާފުކުރުމަށް އެދި މަރްޔަމް ނިހާޔަތުގެ ފަރާތުން ދިވެހިރާއްޖޭގެ ހައިކޯޓަށް ހުށަހެޅުމުން، ބެލުމަށް ހަމަޖެހިފައިވާ ދިވެހިރާއްޖޭގެ ހައިކޯޓުގެ ނަންބަރު 2024/HC-A/56 ޤަޟިއްޔާގައި ހިމެނޭ މައްސަލަ މި ކޯޓަށް ހުށަހެޅި ހޭދަވެފައިވާ މުއްދަތަށް ބަލައި، މި މައްސަލަ އިތުރަށް ކުރިއަށް ގެންދަން ބޭނުންނުވާތީ، އިސްތިއުނާފު ފޯމު ބާޠިލުކޮށްދިނުމަށް އެދި، 22 އެޕްރީލް 2026 ގައި މަރްޔަމް ނިހާޔަތު މިކޯޓުގައި ތަމްސީލްކުރުމަށް އައްޔަންކޮށްފައިވާ ލޯ ފަރމް، ދިވެހި ޗެމްބަރސް އެލް.އެލް.ޕީގެ ފަރާތުން މި ކޯޓަށް އީމެއިލް ފޮނުވާފައިވާތީ ހައިކޯޓުގެ ޤަވާޢިދުގެ 35 ވަނަ މާއްދާގެ (ހ) އާ ޙަވާލާދީ، ދިވެހިރާއްޖޭގެ ހައިކޯޓުގެ ނަންބަރު 2024/HC-A/56 ޤަޟިއްޔާގެ ދަޢުވާ ފޯމް، ހައިކޯޓުގައި މި ޤަޟިއްޔާ ބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ދީބާނާޒް ފަހުމީ

ފަނޑިޔާރު ޙަސަން ޝަފީޢު (ރިޔާސަތު)

ފަނޑިޔާރު ޙުޒައިފާ މުޙައްމަދު