އާމިނަތު ޒުހައިރާ ވ. މުހައްމަދު އިސްމާއީލް އަދި އިތުރު ފަރާތްތައް

ނަތީޖާ: ބައެއް ބާޠިލުކޮށް (ޙުކުމުގެ 4 އަދި 5 ވަނަ ނަންބަރު) އަލުން ބެލުމަށް ފޮނުވި

ދަށު ކޯޓު: ށ. މާއުނގޫދޫ މެޖިސްޓްރޭޓް ކޯޓު 9/C14C/2020

ކޯޓުން ނިންމަން ޖެހުނު ސުވާލު

ވާރިސުން ގުރުނަގައި ސޮއިކޮށް އިނގިލީގެ ނިޝާން ޖަހާފައިވާ ޗާޓާ ތަފާތު، އިސްލާޙުކުރި ޗާޓަކަށް ބިނާކޮށް ތަރިކައިގެ ގޯތި ބައިކޮށް އަގުމަގު ހަމަޖެއްސުމަށް މެޖިސްޓްރޭޓް ކޯޓުން ކުރި ޙުކުމް ޤާއިމުވާނެތޯ.

ކަނޑައެޅި ޤާނޫނީ އުޞޫލުތައް

1. ވާރިސުން އެދިފައިވަނީ ތަރިކައިގެ ގޯތި ބައިކޮށް ގުރުނަގައި އެ ބައިތައް އަގުމަގުކޮށް އުނިއިތުރު ހަމަޖެއްސުމަށް ކަމަށްވާއިރު، ގުރުނަގައި އެއްބަސްވި ޗާޓަށް ބައިތައް އައްޔަންވާ ގޮތާއި ދިމާތަކާއި ބައެއް ވާރިސުންނަށް ލިބޭ މިންވަރަށް ބޮޑެތި ބަދަލުތައް ގެނެސް އިސްލާޙުކުރި ޗާޓަކާމެދު ވާރިސުން އެއްބަސްވެފައި ނުވާނަމަ، އެ ޗާޓަށް ބިނާކޮށް ކުރާ ޙުކުމަކީ ވާރިސުންގެ މެދުގައި ގުރުނަގައި އެއްބަސްވި ގޮތުގެ މަތިން ކުރާ ޙުކުމެއް ނޫނެވެ؛ އެހެންކަމުން ގޯތި ބައިކުރުމާއި އަގުމަގު ހަމަޖެއްސުމާ ގުޅޭ ބައި ބާޠިލުކޮށް އަލުން ބެލުމަށް ފޮނުވަންޖެހެއެވެ. (ޕެރ. 16–20)