އައްޑޫ ސިޓީ ކައުންސިލްގެ އިދާރާ ވ. ޢާއިޝަތު ޢަބްދުﷲ

ނަތީޖާ: ދަޢުވާ ފޯމް ބާޠިލު (އިސްތިއުނާފު އަނބުރާ ގެންދިޔުމުން)

ދަށު ކޯޓު: ސ. ހުޅުދޫ މެޖިސްޓޭޓް ކޯޓު 2025-S6C-CIV-8

ކޯޓުން ނިންމަން ޖެހުނު ސުވާލު

އިސްތިއުނާފު ހުށަހެޅުމަށްފަހު އައްޑޫ ހުޅުދޫ ވަކި ރަށެއްގެ ގޮތުގައި ކަނޑައަޅައި ރަށު ކައުންސިލް އުފެއްދުމުން، އިސްތިއުނާފުކުރާ ފަރާތުގެ ޙައިސިއްޔަތާއި، ފަހުން އުފެދުނު ކައުންސިލުން މައްސަލަ އަނބުރާ ގެންދިއުމަށް އެދުމުގެ އަސަރު.

ކަނޑައެޅި ޤާނޫނީ އުޞޫލުތައް

1. އިސްތިއުނާފު ހުށަހެޅުމަށްފަހު ރައީސުލްޖުމްހޫރިއްޔާގެ ޤަރާރަކުން ރަށު ކައުންސިލެއް އުފައްދައި، މައްސަލައިގެ މައުޟޫއަކީ ކުރީގެ ކައުންސިލްގެ އިޚްތިޞާޞްގެ ތެރޭގައި ނުހިމެނޭ ކަމަކަށް ވެއްޖެނަމަ، އިސްތިއުނާފުކުރި ފަރާތުގެ ޙައްޤުތައް އާ ކައުންސިލްގެ އިދާރާއަށް ނަޤުލުވެ، އިސްތިއުނާފުކުރާ ފަރާތަކީ އެ އިދާރާކަމަށް ބަލަންޖެހެއެވެ.
2. އިސްތިއުނާފުކުރާ ފަރާތަށް ވެގެންދިޔަ ފަރާތުން މައްސަލަ ކުރިއަށް ގެންދަން ބޭނުންނުވާކަމަށާއި އަނބުރާ ގެންދިއުމަށް ނިންމާފައިވާކަމަށް އަންގައިފިނަމަ، އިސްތިއުނާފުގެ ދަޢުވާ ފޯމު ބާޠިލުކުރެވެއެވެ.

ބަލާފައިވާ ޤާނޫނުތައް

• ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ 124 ވަނަ މާއްދާ
• ރައީސުލްޖުމްހޫރިއްޔާގެ ޤަރާރު ނަންބަރު 33/2025 (ރައީސުލްޖުމްހޫރިއްޔާގެ ޤަރާރު ނަންބަރު 2/2025 އިޞްލާޙުކުރުން)
• ރައީސުލްޖުމްހޫރިއްޔާގެ ޤަރާރު ނަންބަރު 34/2025 (އައްޑޫސިޓީ ކައުންސިލް އަލުން ކަނޑައެޅުމާއި، އައްޑޫ މީދޫ ރަށު ކައުންސިލާއި އައްޑޫ ހުޅުދޫ ރަށު ކައުންސިލް ކަނޑައެޅުން)
• ރައީސުލްޖުމްހޫރިއްޔާގެ އޮފީހުގެ ދެންނެވުން ނަންބަރު 12/2026