މާޅޮސްމަޑުލުދެކުނުބުރީ ތުޅާދޫ ކައުންސިލްގެ އިދާރާ ވ. އާމިނަތު ޙުސައިން

ދަޢުވާ ފޯމް ބާޠިލުކުރި ރިޕޯޓު

1. ދިވެހިރާއްޖޭގެ ހައިކޯޓުގެ ޤަޟިއްޔާ ނަންބަރު: 2025/HC-A/320

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމު

3. މައްސަލަ ރަޖިސްޓްރީކުރެވުނު ތާރީޚް: 13 ނޮވެންބަރު 2025 ބާޠިލްކުރި ތާރީޚް: 12 ޖުލައި 2026

4. އިސްތިއުނާފުކުރި ފަރާތް:

ފުރިހަމަ ނަން: މާޅޮސްމަޑުލު ދެކުނުބުރީ ތުޅާދޫ ކައުންސިލް

5. އިސްތިއުނާފުރައްދުވާ ފަރާތް:

ފުރިހަމަ ނަން: އާމިނަތު ޙުސައިން

6. ހުށަހެޅިފައިވާ މައްސަލަ:

މާޅޮސްމަޑުލު ދެކުނުބުރީ ތުޅާދޫ މެޖިސްޓްރޭޓް ކޯޓުގެ ނަންބަރު F12C-A/2025/1 "ވަގުތީ އަމުރާމެދު ނިންމިގޮތް" އިސްތިއުނާފުކުރުމަށް އެދި މާޅޮސްމަޑުލު ދެކުނުބުރީ ތުޅާދޫ ކައުންސިލްގެ ފަރާތުން ހުށަހަޅާފައިވާ މައްސަލަ.

7. ދިވެހިރާއްޖޭގެ ހައިކޯޓުން ނިންމި ގޮތް:

މާޅޮސްމަޑުލު ދެކުނުބުރީ ތުޅާދޫ މެޖިސްޓްރޭޓް ކޯޓުގެ ނަންބަރު F12C-A/2025/1 "ވަގުތީ އަމުރާމެދު ނިންމިގޮތް" އިސްތިއުނާފުކުރުމަށް އެދި މާޅޮސްމަޑުލު ދެކުނުބުރީ ތުޅާދޫ ކައުންސިލްގެ ފަރާތުން ހުށަހެޅުމުން ރަޖިސްޓްރީކުރެވިފައިވާ ހައިކޯޓުގެ ނަންބަރު 2025/HC-A/320 ޤަޟިއްޔާ އަނބުރާ ގެންދިއުމަށް މާޅޮސްމަޑުލު ދެކުނުބުރީ ތުޅާދޫ ކައުންސިލުން ނިންމާފައިވާ ނިންމުމާއެކު، އެ މައްސަލަ ބާޠިލްކޮށްދިނުން އެދި މި މައްސަލައިގައި މާޅޮސްމަޑުލު ދެކުނުބުރީ ތުޅާދޫ ކައުންސިލު ތަމްސީލުކުރާ ޤާނޫނީ ވަކީލު 12 ޖުލައި 2026 ދުވަހު މިކޯޓަށް ސިޓީ ހުށަހަޅާފައިވާތީ، ޤާނޫނު ނަންބަރު 22/2010 (ދިވެހިރާއްޖޭގެ ކޯޓުތަކުގެ ޤާނޫނު) ގެ 75 ވަނަ މާއްދާގެ (ހ) އަށް ރިޢާޔަތްކޮށް، ހައިކޯޓުގެ ޤަވާއިދުގެ 35 ވަނަ މާއްދާގެ (ހ) އާ ޙަވާލާދީ އެ މާއްދާގެ (ނ) ގެ ދަށުން، ދިވެހިރާއްޖޭގެ ހައިކޯޓުގެ ނަންބަރު 2025/HC-A/320 ޤަޟިއްޔާގެ ދައުވާ ފޯމު، ދިވެހިރާއްޖޭގެ ހައިކޯޓުގައި މިޤަޟިއްޔާ ބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ޙަސަން ޝަފީޢު

ފަނޑިޔާރު ޙުސައިން މަޒީދު (ރިޔާސަތު)

ފަނޑިޔާރު މުޙައްމަދު ޝަނީޒް ޢަބްދުﷲ