ސެންކަން އޯވަސީސް ޕްރައިވެޓް ލިމިޓެޑް ވ. ފްލޯރާ ގްރޭންޑް އެލް.އެލް.ޕީ

ދަޢުވާ ފޯމް ބާޠިލުކުރި ރިޕޯޓު

1. ހައިކޯޓުގެ ޤަޟިއްޔާ ނަންބަރު: 2025/HC-A/40

2. މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމު

3. މައްސަލަ ރަޖިސްޓްރީ ކުރެވުނު ތާރީޚް: 03 ފެބުރުވަރީ 2025 – ބާޠިލުކުރި ތާރީޚް: 17 ނޮވެންބަރު 2025

4. އިސްތިއުނާފު ކުރި ފަރާތް:

ފުރިހަމަ ނަން: ސެންކަން އޯވަސީސް ޕްރައިވެޓް ލިމިޓެޑް

5. އިސްތިއުނާފު ރައްދުވި ފަރާތް:

ފުރިހަމަ ނަން: ފްލޯރާ ގްރޭންޑް އެލް.އެލް.ޕީ

6. ހުށަހެޅިފައިވާ މައްސަލަ:

ސިވިލް ކޯޓުގެ ނަންބަރު "144-B10(E)/2024/50" "އެންގުން" އިސްތިއުނާފުކުރުމަށް ސަންކަން އޯވަސީސް ޕްރައިވެޓް ލިމިޓެޑް ގެ ފަރާތުން، ހުށަހެޅުމުން މި ކޯޓުގައި ކުރިއަށް ގެންދިޔަ ނަންބަރު 2025/HC-A/40 އިސްތިއުނާފީ މައްސަލަ.

7. ހައިކޯޓުން ނިންމި ގޮތް:

ސިވިލް ކޯޓުގެ ނަންބަރު "144-B10(E)/2024/50" "އެންގުން" އިސްތިއުނާފުކުރުމަށް ސަންކަން އޯވަސީސް ޕްރައިވެޓް ލިމިޓެޑް ގެ ފަރާތުން ހުށަހެޅުމުން، މި ކޯޓުގެ ނަންބަރު 2025/HC-A/40 ގަޒިއްޔާއިން ބަލަމުންދާ އިސްތިއުނާފު ކުރިއަށް ގެންދަން ބޭނުން ނުވާތީ މައްސަލަ އަނބުރާ ގެނައުމަށް އެދި 10 ނޮވެންބަރު 2025 ގައި، އިސްތިއުނާފު ހުށަހެޅި ސަންކަން އޯވަސީސް ޕްރައިވެޓް ލިމިޓެޑްގެ ވަކީލް މި ކޯޓަށް ސިޓީއެއް ފޮނުވިއެވެ.

މި މައްސަލަ އަނބުރާ ގެނައުމަށް އެދުނު ސަބަބެއްގެ ގޮތުގައި މި ސިޓީގައި ފާހަގަކޮށްފައިވަނީ ސިވިލް ކޯޓަށް ހުށަހަޅައިފައިވާ ގަޒިއްޔާ ކުރިއަށް ނުގެންގޮސް 01 ޖޫން 2025 ގައި ސިވިލް ކޯޓުން ނިންމާލާފައިވާތީ މިމައްސަލަ އިތުރަށް ކުރިއަށް ގެންދިއުމުގެ ބޭނުމެއް ނެތަތީ ކަމަށެވެ.

ވީމާ، މި ސިޓީއަށް ރިއާޔަތްކޮށް، ހައިކޯޓުގެ ގަވާއިދުގެ 35 ވަނަ މާއްދާގެ (ހ) ގައިވާ ގޮތުގެ މަތިން، މި ކޯޓުގެ ނަންބަރު 2025/HC-A/40 ގަޒިއްޔާގައި އިސްތިއުނާފު ހުށަހެޅި ފޯމު، މި ގަޒިއްޔާ ބެލި ފަނޑިޔާރުންގެ މަޖިލީހުގެ އިއްތިފާގުން ބާތިލުކޮށްފީމެވެ.

8. މައްސަލަ ނިންމި ފަނޑިޔާރުން:

ފަނޑިޔާރު ޙަސަން ޝަފީޢު

ފަނޑިޔާރު ޢަބްދުއްރައޫފު އިބްރާހީމް (ރިޔާސަތު)

ފަނޑިޔާރު ފާޠިމަތު ފަރްހީޒާ