—

1އެމުވައްޒަފެއްގެ މައްޗަށް ތުހުމަތުކުރެވިފައިވާ ކަމަކާބެހޭ މަޢުލޫމާތު )އޭރަކު ދެވެން ހުންނަ ހުރިހާ ތަފްސީލަކާއެކު ( އެމުވައްޒަފަކަށް ވަޒީފާދޭ ފަރާތުން ދިނުމަށްފަހު؛

2އެ ތުހުމަތަކާމެދު ޖަވާބުދާރީވުމުގެ ފުރުސަތު އެމުވައްޒަފަކަށް ދިނުމަށްފަހު؛

3HN1HN2HN3HN4HN5HN6HN7HN8އެމައްސަލައެއް އިދާރީގޮތުން ތަޙްޤީޤުކުރުމަށްފަހު؛

4ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން ފުރިހަމަވާންޖެހޭ ދެ ޝަރުޠު ފުރިހަމަވާކަމަށް،އެކުރެވޭ ތަޙްޤީޤަކަށް ފެނިގެން، އެމުވައްޒަފަކު ވަކިކުރަން ނިންމައިފިނަމަ، އެމުވައްޒަފަކު ވަކިކޮށްފައިވާކަން، ވަކިކުރި ސަބަބުތަކާއެކު އެމުވައްޒަފަކަށް އަނގާފައިވުން . ކަމާއި، އަދި، އެމުވައްޒަފަކަށް ޖަވާބުދާރީވުމަށް ދެވޭ ފުރުސަތުގައި، އެމުވައްޒަފަކު އެދިފައިވާނަމަ، އެމުވައްޒަފަކު ކަނޑައަޅާ މީހެއްގެ އެހީތެރިކަން ހޯދުމުގެ ފުރުޞަތުވެސް އެމުވައްޒަފަކަށް ދެވިފައިވާނަމަކަން އެނގެންއޮވެއެވެ . )ރ( އިސްތިއުނާފަށް ހުށަހެޅިފައިމިވާ ވަޒީފާއާބެހޭ ޓްރައިބިއުނަލްގެ ނަންބަރު 108/VTR/2014 މައްސަލައިގައި ކަންހިނގާފައިވާ ގޮތުގެ މައްޗަށް އިސްވެ މިއިޝާރާތްކުރެވުނު ޤާނޫނީ އުޞޫލުތައް ތަޠުބީޤުކުރާއިރު، ކ. ހުރާ / އިރުދޭމާގެ އިބްރާހީމް ލުޠުފީއާއި، ހދ. ނޮޅިވަރަން / ނަފާ އަޙްމަދު ޝިފާހުއާ އ، ހއ. ތުރާކުނު / ކަނީރުމާގެ މުޙައްމަދު ރިޔާޟްއާއި އަދި ބ. މާޅޮސް / ލިލީގެ މުޙައްމަދު އަބޫބަކުރު، ފުރަނަ ހޯލްޑިންގްސް ޕްރައިވެޓް ލިމިޓެޑްގެ ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާގައި އަދާކުރަމުންދިޔަ ވަޒީފާއިން ވަކިކޮށްފައިވަނީ، ޝެރަޓަން މޯލްޑިވްސ ފުލްމޫން ރިސޯޓް އެންޑް ސްޕާގައި ޤާނޫނާ ޚިލާފަށް ބޭއްވި އެއްވުމުގައި ބައިވެރި ވެފައިވާތީއާއި، މި އެއްވުން ރޫޅާލައި ޞުލްޙަވެރިކަމާއެކު އެތަނުން ދިޔުމަށް އެތަނަށް ހާޒިރުވެތިބި ފުލުހުން އެންގި އެންގުމަށް ފާޅުގައި ދެކޮޅު ހަދާފައިވާތީއާއި، ފުލުހުންނަށް އިންޒާރާއި ބިރުދައްކާ އަދި ފުލުހުންގެ މަސައްކަތަށް ހުރަސްއަޅާފައިވާތީވެ، އިސްތިއުނާފު ރައްދުވާ ފަރާތްތަކުގެ ޢަމަލުތައް ހުރިގޮތުން އިތުރަށް އެފަރާތްތައް ވަޒީފާގައި ބަހައްޓައިފިނަމަ، ރިސޯޓަށް ގެއްލުންތަކެއް ވެ ރިސޯޓުގެ ޢާއްމު މަޞްލަޙަތައް ގެއްލުން ލިބިދާނެކަމެއްކަމު ގައި ވީހިނދު، ބުނެވިދިޔަ ސަބަބަކީ، ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން މުވައްޒަފަކު ވަޒީފާއިން ވަކިކުރުމަށް އެކަށީގެންވާ ސަބަބެއްކަމުގައި ޝަރީޢަތުން ދެކޭކަމާއި، އެހެންކަމުން އިސްތިއުނާފު ރައްދުވިފަރާތްތައް އިސްތިއުނާފުކުރި ފަރާތުގެ ވަޒީފާއިން ވަކިކުރުމުގައި ފުރިހަމަވާންޖެހޭ މައުޟޫޢީ ޢަދުލުވެރިކަން ފުރިހަމަވެފައިވާކަން އެނގެން އޮންނަކަމާއި؛ ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން މުވައްޒަފަކު ވަޒީފާއިން ވަކިކުރުމުގެ ކުރިން ޤާއިމުކުރަންޖެހޭ އިޖްރާއީ ޢަދުލުވެރިކަން ޤާއިމުކުރެވިފައިވޭތޯ ބަލާއިރު، ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން މުވައްޒަފަކު ވަޒީފާއިން ވަކިކުރުމުގައި ޤާއިމުކުރަންޖެހޭ އިޖްރާއީ ޢަދުލުވެރިކަން ޤާއިމުކުރެވިފައިވާކަމަށް ޢާންމު އުސޫލެއްގެ ގޮތުނެ ބެލެވޭނީ، ވަޒީފާއިން ވަކިކޮށްފައިވާ މުވައްޒަފު ވަޒީފާއިން ވަކިކުރުމުގެ ކުރި ން، އޭނާ ގެ މައްޗަށް ތުހުމަތުކުރެވިފައިވާ ކަންކަމާބެހޭ މަޢުލޫމާތު )އޭރަކު ދެވެން ހުންނަ ހުރިހާ ތަފްސީލަކާއެކު ( ވަޒީފާދޭފަރާތުން އެމުވައްޒަފަކަށް ދީފައިވުމުގެ އިތުރުން އެތުހުމަތުތަކާމެދު ޖަވާބުދާރީވުމުގެ ފުރުޞަތު އޭނާއަށް ދިނުމަށްފަހު، އެމައްސަލައެއް ތަޙްޤީޤު ކުރުމަށްފަހު، ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން ފުރިހަމަވާންޖެހޭ ދެ ޝަރުޠު ފުރިހަމަވާކަމަށް، އެކުރެވޭ ތަޙްޤީޤަކަށް ފެނިފައިވުމުގެ އިތުރުން އެމުވައްޒަފަކަށް ޖަވާބުދާރީވުމަށް ދެވުނު ފުރުޞަތުގައި، އޭނާ އެދިފައިވާނަމަ، އޭނާ ކަނޑައެޅި މީހެއްގެ އެހީތެރިކަން ހޯދުމުގެ ފުރުޞަތުވެސް އޭނާއަށް ދެވިފައިވާނަމަކަމާއި ؛ އެހެންނަމަވެސް އެމުވައްޒަފެއްގެ މައްޗަށް ތުހުމަތުކުރެވިފައިވާ، އެކަމެއްގެ މައްޗަށް ބިނާކޮށް އެމުވައްޒަފަކު ވަޒީފާއިން ވަކިކުރުމަށް ވަޒީފާދޭ ފަރާތުން ނިންމާ ކަމަކީ، އެކަމެއް އެމުވައްޒަފެއްގެ ފަރާތުން ހިނގާފައިވާކަން ވަރަށް ފާޅުކަންބޮޑުގޮތެއްގައި ފެންނަން ހުންނާނެ ކަމެއްކަމުގައިވާނަމަ، އަދި އެކަމަކީ އެކަމުގެ މައްޗަށް ބިނާކޮށް ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން ނޯޓިހެއް ދިނުމަކާނުލައި އެމުވައްޒަފަކު ވަޒީފާއިން ވަކިކުރެވޭ ބާވަތުގެ ކަމެއްކަ މަށްވާނަމަ، އެފަދަ މައްސަލަތަކުގައި ވަޒީފާދޭ ފަރާތުން އެމުވައްޒަފަކު ވަޒީފާއިން ވަކިކުރުމުގެ ކުރިން )އާންމު އުސޫލާ އެއްގޮތްވާ ގޮތުގެމަތިން ( އިތުރު ތަޙްޤީޤުތަކެއްކޮށް، އެކަމާމެދު ޖަވާބުދާރީވުމުގެ އިތުރު ފުރުސަތުތަކެއް އެމުވައްޒަފަކަށް ދިނުމަކީ ވަޒީފާދޭ ފަރިތުގެ މައްޗަށް ކޮންމެހެން ލާޒިމުކަމެއް ނޫންކަމާއި؛ އިސްވެ މިބަޔާންކުރެވުނު ކަންކަމުގެ އަލީގައި، އިސްތިއުނާފަށް ހުށަހެޅިފައިމިވާ މައްސަލައިގައި ކަންހިނގާފައިވާ ގޮތަށް ބަލާއިރު، އިސްތިއުނާފު ރައްދުވި ފަރާތްތަކުން ފުރަނަ ހޯލްޑިންގްސް ޕްރައިވެޓް ލިމިޓެޑްގެ ޝެރޓަން މޯލްޑިވްސް ފުލްމޫން ރިސޯޓް އެންޑް ސްޕާގައި އަދާކުރަމުންދިޔަ ވަޒީފާއިން ވަކިކޮށްފައިވަނީ، ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާގައި ޤާނޫނާ ޚިލާފަށް ބޭއްވި އެއްވުމެއްގައި ބައިވެރި ވެފައިވާތީއާއި، މި އެއްވުން ރޫޅާލައި ޞުލްޙަވެރިކަމާއެކު އެތަނުން ދިޔުމަށް އެތަނަށް ހާޒިރުވެތިބި ފުލުހުން އެންގި އެންގުމަށް ފާޅުގައި ދެކޮޅު ހަދާފައިވާތީއާއި، ފުލުހުންނަށް އިންޒާރާއި ބިރުދައްކާ އަދި ފުލުހުންގެ މަސައްކަތަށް ހުރަސްއަޅާފައިވާތީކަން އެނގެން އޮންނައިރު އެކަންކަމަކަފާޅުކަންބޮޑުގޮތެއްގައި ފެންނަން ހުންނާނެ ޢމަލުތަކެއްކަމާއި، އިސްވެބުނެވިފައިވާ ފަދައިން، އެޢަމަލުތަކަކީ އެކަމުގެ މައްޗަށް ބިނާކޮށް ވަޒީފާއާބެހޭ ޤާނޫނުގެ 23 ވަނަ މާއްދާގެ ދަށުން ނޯޓިހެއް ދިނުމަކާނުލައި އެމީހުން ވަޒީފާއިން ވަކިކުރެވޭ ބާވަތުގެ ޢަމަލުތަކެއްކަމާއި؛ އެހެންކަމުން، އެމައްސަލައާ ގުޅިގެން ފުރަނަ ހޯލްޑިންގްސް ޕްރައިވެޓް ލިމިޓެޑްގެ ފަރާތުން އިތުރު ތަޙްޤީޤެއްކޮށް، އިސްތިއުނާފު ރައްދުވާ ފަރާތްތަކުން ޢަމަލުކޮށްފައިވާ ގޮތާމެދު ޖަވާބުދާރީވުމަށް އިތުރު ފުރުސަތުތަކެއް ދީފައިނުވީނަމަވެސް،ފުރަނަ ހޯލްޑިންގްސް ޕްރައިވެޓް ލިމިޓެޑްގެ ވަޒީފާއިން އިސްތިއުންފު ރައްދުވާ ފަރާތްތައް ވަކިކޮށްފައިވަނީ މިބާވަތުގެ މައްސަލަތަކުގައި ވަޒީފާދޭ ފަރާތުން ޤާއިމުކުރަންޖެހޭ އިޖްރާއީ ޢަދުލުވެރިކަން ޤާއިމުކުރުމަށްފަހުގައިކަމަށް ބަލަންޖެހޭކަން އެނގެއެވެ. ވީމާ، އިސްވެ ފާހަގަކުރެވުނު ކަންކަމަށް ބަލާއިރު، ފުރަނަ ހޯލްޑިންގްސް ޕްރަ އިވެޓް ލިމިޓެޑްގެ ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާގައި އަދާކުރަމުންދިޔަ ވަޒީފާއިން އިސްތިއުނާފު ރައްދުވާ ފަރާތްތަކުން ވަކިކޮށްފައިވަނީ، މިބާވަތުގެ މައްސަލަތަކުގައި އެ އެކުންފުނީގެ ފަރާތުން ޤާއިމުކުރަންޖެހޭ މައުޟޫޢީ ޢަދުލުވެރިކަމާއި އިޖްރާއީ ޢަދުލުވެރިކަން ޤާއިމުކުރުމަށްފަހުގައިކަން އެނގެން އޮތުމުން، މިމައްސަލަ ބެލުމުގައި ބައިވެރިވި ދިވެހިރާއްޖޭގެ ހައިކޯޓުގެ ފަނޑިޔާރުން ދެކެނީ، ވަޒީފާއާބެހޭ ޓްރައިބިއުނަލްގެ ނަންބަރު 108/VTR/2014 މައްސަލައިގައި އެޓްރައިބިއުނަލުން ނިންމާފައިވާ ނިންމުމަކީ ދިވެހިރާއްޖޭގެ ހައިކޯޓުން ބަދަލު ގެންނަންޖެހޭ ނިންމުމެއްކަމަށެވެ .  ޙުކުމް: ދެންފަހެ، އިސްވެފާހަގަކުރެވުނު ނުކުތާތަކުގައި ބަޔާންކުރެވުނު ކަންކަން ބަޔާންކުރެވުނު ގޮތަށް ހުރުމާއެކު، ފުރަނަ ހޯލްޑިންގްސް ޕްރައިވެޓް ލިމިޓެޑްގެ ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާގައި އަދާކުރަމުންދިޔަ ވަޒީފާއިން ކ. ހުރާ / އިރުދޭމާގެ އިބްރާހީމް ލުޠުފީއާއި، ހދ. ނޮޅިވަރަން / ނަފާ އަޙްމަދު ޝިފާހުއާއި، ހއ. ތުރާކުނު / ކަނީރުމާގެ މުޙައްމަދު ރިޔާޟްއާއި އަދި ބ. މާޅޮސް / ލިލީގެ މުޙައްމަދު އަބޫބަކުރު ވަކިކޮށްފައިވަނީ، މިބާވަތުގެ މައްސަލަތަކުގައި އެކުންފުނީގެ ފަރާތުން ޤާއިމުކުރަންޖެހޭ މައުޟޫޢީ ޢަދުލުވެރިކަމާއި އިޖްރާއީ ޢަދުލުވެރިކަން ޤާއިމުކުރުމަށްފަހުގައި ކަމަށް، މިމައްސަލަ ބެލުމުގައި ބައިވެރިވި ދިވެހިރާއްޖޭގެ ހައިކޯޓުގެ ފަނޑިޔާރުންނަށް އިއްތިފާޤުވެވުނު ހިނދު، ވަޒީފާއާބެހޭ ޓްރައިބިއުނަލްގެ ނަންބަރު 108/VTR/2014 މައްސަލައިގައި އެޓްރައިބިއުނަލުން ނިންމާފައިވާ ނިންމުން، މިމައްސަލަ ބެލުމުގައި ބައިވެރިވި ދިވެހިރާއްޖޭގެ ހައިކޯޓުގެ ފަނޑިޔާރުންގެ އިއްތިފާޤުން ބާޠިލުކޮށް، އެގޮތުގެ މަތިން ޙުކުމްކޮށްފީމެވެ .