ޙަސަންފުޅު ވ. އަޙްމަދު ވަޙީދު

ނަތީޖާ: އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށު ކޯޓު: ސިވިލް ކޯޓު 219/Cv-C/2017

ކޯޓުން ނިންމަން ޖެހުނު ސުވާލު

ވިޔަފާރީގެ ފައިދާގެ ގޮތުގައި މަހަކު 3000 ރުފިޔާ ދެމުން ގޮސްފައިވާއިރު، ނަގާފައިވާ 180,000 ރުފިޔާ އަނބުރާ ދެއްކުމަށް ގެރެންޓީއެއްގެ ގޮތުގައި ދިން ޗެކްތަކުގެ ފައިސާ ވެސް އިތުރަށް ދައްކަންޖެހޭކަމަށް ސާބިތުވޭތޯއާއި، ހެކިވެރިއެއްގެ ހެކިބަހަށް ސިވިލް ކޯޓުން ރިޢާޔަތްކޮށްފައި ނުވޭތޯ.

ކަނޑައެޅި ޤާނޫނީ އުޞޫލުތައް

1. ޗެކްތަކަށް ފައިސާ ނުލިބުމާމެދު ދެބަސްވުމެއް ނެތްނަމަވެސް، ފައިދާގެ ގޮތުގައި ދެމުން ދިޔަ ފައިސާގެ އިތުރުން ޗެކްތަކުގައިވާ ފައިސާވެސް ދައްކަން ދެފަރާތް އެއްބަސްވެފައިވާކަން ސާބިތުކޮށްދިނުމަކީ ދަޢުވާކުރާ ފަރާތުގެ ޒިންމާއެކެވެ؛ އެކަން ސާބިތުވާ މިންވަރަށް ހެކި ހުށަނާޅާނަމަ ދަޢުވާ ސާބިތެއް ނުވާނެއެވެ.
2. ހެކިވެރިއެއްގެ ހެކިބަސް ނަގައި، ދަޢުވާ ސާބިތުވާ މިންވަރަށް ހެކި ހުށަހެޅިފައި ނުވާކަން ދަށުކޯޓުން ފާހަގަކޮށް މައްސަލަ ނިންމާފައިވާނަމަ، އެ ހެކިބަހަށް ރިޢާޔަތްނުކޮށް ނިންމިކަމަށް ނުބެލެވޭނެއެވެ.
3. ދަޢުވާގައި ބުނާ ފައިސާއާމެދު ތަފާތު ދެގޮތަކަށް ވާހަކަ ދައްކާފައިވާ ހެކިބަހަކީ، އެ ފައިސާއަކީ ދަޢުވާ ލިބޭ ފަރާތުން ދައްކަންޖެހޭ ފައިސާއެއްކަން ސާފުކޮށް ސާބިތުކޮށްދޭ ހެކިބަހެއް ނޫނެވެ.