ފާތިމަތުދީދީ ވ. ހުވަދުއަތޮޅު އުތުރުބުރީ ވިލިނގިލީ ކައުންސިލްގެ

ނަތީޖާ: އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށު ކޯޓު: ގއ. ވިލިނގިލި މެޖިސްޓްރޭޓް ކޯޓު 71/P2C/2021

ކޯޓުން ނިންމަން ޖެހުނު ސުވާލު

ހެކި ހުށަހެޅުމުގެ ފުރުޞަތު ނުދީ ދަށުކޯޓުން ޙުކުމްކުރީ ހެއްޔެވެ؟ އަދި ބައްޕަގެ ގޯތިން ބައެއް ވަކިކޮށް ދަރިއަކަށް ހަދައިދިން ރަޖިސްޓްރީއާއި، ބަދަލުކުރި ދެވަނަ ރަޖިސްޓްރީ ބާޠިލު ކަމަށް ކަނޑައަޅަން ޖެހޭ ހެއްޔެވެ؟

ކަނޑައެޅި ޤާނޫނީ އުޞޫލުތައް

1. ދަޢުވާ ފޯމުގައި އެއްވެސް ޝަފަހީ ހެއްކެއް ހުށަހަޅާނެ ކަމަށް ބަޔާންނުކޮށް، ބަޔާން ބަދަލުކުރުމުގެ މަރުޙަލާގައިވެސް ޝަފަހީ ހެކި ހާޒިރުކުރުމަށް ނޭދި، ހެކި ހާޒިރުކުރުމުގެ ވާހަކަ ދެކެވުނު އަޑުއެހުމުގައި ހެކި ހާޒިރުކުރުމުގެ ބޭނުމެއް ނެތްކަމަށް އެއްބަސްވެފައިވާނަމަ، ދަށުކޯޓުގެ ޙުކުމަކީ ހެކި ހުށަހެޅުމުގެ ފުރުޞަތު ނުދީ ކުރި ޙުކުމެއް ކަމުގައި ނުބެލެވޭނެއެވެ. (ޕެރ. 16-19)
2. ރަސްމީ ލިޔުމަކުން ސާބިތުވާ ކަމެއް ކަމަށް ބުނާނަމަ، އެ ލިޔުމުގައި އެކަން ބަޔާންކޮށްފައި އޮންނަން ޖެހޭނެއެވެ؛ ގޯއްޗެއް ވަނީ އަނެއް ގެއެއްގެ އިރުމަތީގައި ކަމަށް ރަޖިސްޓްރީގައި ބުނުމަކީ އެ ދެގޯތި އެއް އިންވެގެން އޮތްކަމަށް ބުނުމެއް ނޫނެވެ. (ޕެރ. 24-25)
3. ޚަޞްމުން ބަޙުޘެއް ނުއުފައްދާ ރަޖިސްޓްރީތަކުގެ ޗާޓުތަކުގައިވާ މިންތަކުގެ އަލީގައި، ކޮށީގެ މިންތަކުން ގޯތިތަކުގެ މިން އުނިކޮށް ހުސްބިމެއް އޮތްތޯ ޝަރީޢަތުން ދެނެގަނެވިދާނެއެވެ. (ޕެރ. 26-30)
4. ރަޖިސްޓްރީއަށް ގެނެސްފައިވާ ބަދަލަކީ އެ ދުވަސްވަރު ޢަމަލުކުރަމުންއައި ކޮން ޤާނޫނަކާ، ގަވާއިދަކާ ނުވަތަ އުޞޫލަކާ ޚިލާފު ކަމެއްކަން ބަޔާންކޮށް ޙަވާލާދީ ނުކުތާއެއް ނުއުފައްދައި، ކިތާބީ ހެކިން ނިކުންނަ ނަތީޖާއަށް ބަދަލު އަންނާނެ އެހެން ހެއްކެއްވެސް ހުށަނާޅާނަމަ، ރަޖިސްޓްރީ ބާޠިލު ކަމަށް ނުވަތަ ދަށުކޯޓުގެ ނިންމުން ޤާނޫނުއަސާސީގެ 42 (ށ) އާއި ހެއްކާބެހޭ ޤާނޫނާ ޚިލާފު ކަމަށް ކަނޑައެޅޭކަށް ނެތެވެ. (ޕެރ. 34-35)

ބަލާފައިވާ ޤާނޫނުތައް

• ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 42 ވަނަ މާއްދާގެ (ށ)
• ހެއްކާބެހޭ ޤާނޫނުގެ 1 ވަނަ އަދި 2 ވަނަ މާއްދާ (ޙުކުމުގައި ޤާނޫނު ނަންބަރު 76/24 / 24/76 ކަމަށް ލިޔެފައި)
• ޤާނޫނު ނަންބަރު 32/2021 (މަދަނީ އިޖުރާއަތުގެ ޤާނޫނު) ގެ 284 ވަނަ މާއްދާގެ (ހ) (ސުޕްރީމް ކޯޓަށް އިސްތިއުނާފުކުރުމުގެ އިޖުރާއަތު)