ވާދީ ޓްރޭޑަރސް ޕްރައިވެޓް ލިމިޓެޑް އަދި މުޙައްމަދު އަޙްމަދު ދީދީ އަދި ޝިފާނާ މުޙައްމަދު ދީދީ އަދި މަރްޔަމް އަޙްމަދު ދީދީ އަދި ޝަބާނާ މުޙައްމަދު ދީދީ ވ. ސްޓޭޓް ބޭންކް އޮފް އިންޑިޔާ (މާލެ ބްރާންޗް)

1ހައިކޯޓުގެ ޤަޝިއްޔާ ނަންބަރު: 2024/HC-A/129

2މައްސަލަ ހުށަހެޅި ފޯމުގެ ބާވަތް: އިސްތިއުނާފު ކުރުމަށް އެދި ހުށަހަޅާ ފޯމް

3މައްސަލަ ރަޖިސްޓްރީ ކުރެވުނު ތާރީޚް: 26 ޖޫން 2024 * ބާޠިލުކުރި ތާރީޚް: 1 ޖުލައި 2025

4އިސްތިއުނާފުކުރި ފަރާތްތައް: * ފުރިހަމަ ނަން: ވާދީ ޓްރޭޑަރސް ޕްރައިވެޓް ލިމިޓެޑް * ރަޖިސްޓްރޭޝަން ނަންބަރު: C-64/94 * މިހާރުގެ އެޑްރެސް: މ.ވާދީ ޓްރޭޑް ސެންޓަރ / މާލެ * ދާއިމީ އެޑްރެސް: މ.ވާދީ ޓްރޭޑް ސެންޓަރ / މާލެ * ފުރިހަމަ ނަން: މުޙައްމަދު އަޙްމަދު ދީދީ * ފުރިހަމަ ނަން: ޝިފާނާ މުޙައްމަދު ދީދީ * ފުރިހަމަ ނަން: މަރްޔަމް އަޙްމަދު ދީދީ * ފުރިހަމަ ނަން: ޝަބާނާ މުޙައްމަދު ދީދީ

5އިސްތިއުނާފް ރައްދުވި ފަރާތް: * ފުރިހަމަ ނަން: ސްޓޭޓް ބޭންކް އޮފް އިންޑިޔާ (މާލެ ބްރާންތް) * އައި.ޑީ.ކާޑު ނަންބަރު: - * ޢާއްމު ނަން: * ދާއިމީ އެޑްރެސް: ހ.ސަންލިޓް * މިހާރުގެ އެޑްރެސް: ހ.ސަންލިޓް

13ހުށަހެޅިފައިވާ މައްސަލަ: ސިވިލް ކޯޓުގެ ނަންބަރ:1625/Cv-C/2020 ޤަޝިއްޔާ އިސްތިއުނާފުކުރުމަށް އެދި ވާދީ ޓްރޭޑަރސް ޕްރައިވެޓް ލިމިޓެޑް އާއި މ.ވާދީރޯސް، މުޙައްމަދު އަޙްމަދު ދީދީ އާއި މ.ވާދީރޯސް، ޝިފާނާ މުޙައްމަދު ދީދީ އާއި މ.ވާދީރޯސް، މަރްޔަމް އަޙްމަދު ދީދީ އާއި މ.ވާދީރޯސް ޝަބާނާ މުޙައްމަދު ދީދީގެ ފަރާތުން ހުށަހަޅާފައިވާ މައްސަލަ

14ހައިކޯޓުން ނިންމި ގޮތް: ސިވިލް ކޯޓުގެ ނަންބަރ:1625/Cv-C/2020 ޤަޝިއްޔާ އިސްތިއުނާފުކުރުމަށް އެދި ވާދީ ޓްރޭޑަރސް ޕްރައިވެޓް ލިމިޓެޑް އާއި މ.ވާދީރޯސް، މުޙައްމަދު އަޙްމަދު ދީދީ އާއި މ.ވާދީރޯސް، ޝިފާނާ މުޙައްމަދު ދީދީ އާއި މ.ވާދީރޯސް، މަރްޔަމް އަޙްމަދު ދީދީ އާއި މ.ވާދީރޯސް ޝަބާނާ މުޙައްމަދު ދީދީގެ ފަރާތުން ދިވެހިރާއްޖޭގެ ހައިކޯޓަށް ހުށަހެޅުމުން، ބަލަމުންދާ ދިވެހިރާއްޖޭގެ ހައިކޯޓުގެ ނަންބަރު 2024/HC-A/129 ޤަޝިއްޔާގެ ޝަރީޢަތް 2025 ޖޫން 30 ވަނަ ދުވަހުގެ 11:00 ގައި ބޭއްވުމަށްޓަކައި ނަންބަރު 95-B2/CHT/2025/2408 (17 ޖޫން 2025) "ކޯޓަށް ހާޒިރުވުމުގެ އަމުރު" އާއި އިސްތިއުނާފުކުރާ ފަރާތްތަކުން އައްޔަންކޮށްފައިވާ ލޯފަރމްކަމުގައިވާ ސީ.އެލް.އޭ ޕާރޓްނަރސްގެ ވަކީލް ގދ.ގައްދޫ، ޖަހާމުގުރިގެ / އަލްއުސްތާފް ޝިފާޒް ޢަބްދުލްޤަދީރު ހަމަ އެދުވަހު ޙަވާލުވެފައިވެއެވެ. މަތީގައި ބަޔާންކުރި ހައިކޯޓުގެ އަމުރާއި އަލްއުސްތާފް ޝިފާޒް ޢަބްދުލްޤަދީރު ޙަވާލުވެލެއްވިއިރު، 30 ޖޫން 2025 އަށް ކްރިމިނަލް ކޯޓަށް ހެކިބަސް ނެގުމުގެ އަޑުއެހުމަކަށް ޙާޝިރުވުމަށް 25 މެއި 2025 ގައި އެކޯޓުން ފޮނުވި ނަންބަރު 145-B4/2025/10078 ކޯޓަށް ޙާޝިރުވުމުގެ އަމުރާއި އަލްއުސްތާފް ޝިފާޒް ޢަބްދުލްޤަދީރު ވަނީ ޙަވާލުވެ ލައްވާފައެވެ. މިކަން އެންމެ ރަނގަޅަށް އެގިލައްވާނީ އެ ދެ އަމުރާއި ޙަވާލު ވަކީލަށް ނުވަތަ އެލޯފާމަކަށެވެ. އެމަޢުލޫމާތަކީ ހައިކޯޓަށް އެނގޭނެ މަޢުލޫމާތެއް ނޫނެވެ. ނަމަވެސް، އެއްދުވަހަކަށް ވަގުތު ފުށުއަރާހެން ދެ ކޯޓަށް ނުވަތަ ދެ ޝެކްޝަނަކަށް އެއް ވަކީލަކު ޙާޝިރުވުމަކީ ދަތިކަމަށްވާނެތީ، ދުރާލާ ނުވަތަ އެހެން މައްސަލައެއް ތާވަލް ކުރެވޭނެ ވަގުތު އޮއްވައި އެކަން އެހެން އޮތްކަން އަންގައިފިނަމަ، ހައިކޯޓުން އެކަން ޤަބޫލުކޮށް ޢަމަލު ކުރަމުންދަނީ، ކުރިން ކޯޓަށް ޙާޝިރުވުމުގެ އަމުރު ފޮނުވި ކޯޓުގެ ނުވަތަ ޝެކްޝަނުގެ މައްސަލައަށް ފުރުޞަތު ދިނުމަށްފަހު، ހައިކޯޓުގެ އެމައްސަލަ ކެންސަލްކޮށް އެހެން މައްސަލައެއް އެވަގުތަށް ތާވަލު ކުރުމެވެ. މިކަން ބިނާވާ އަސާސަކީ، ޤާނޫނީ ވަކީލު ނުވަތަ އެ ލޯފާމަކުން އަދާކުރާންޖެހޭ ޒިންމާ އަދާކުރުމާއެވެ. އެއްދުވަހަކަށް ދެކޯޓަށް ޙާޝިރުވުމަށް އަމުރު ލިބިފައިވާކަން ދުރާލާ އަންގައިގެންނެވެ. މިމައްސަލައިގައި ކަންވެގެންދިޔަ ގޮތަކީ، 17 ޖޫން 2025 ގައި ހައިކޯޓުން ފޮނުވި ކޯޓަށް ޙާޝިރުވުމުގެ އަމުރާއި ގުޅިގެން، 30 ޖޫން 2025 ގައި ބޭއްވުމަށް އޮތް އަޑުއެހުން ކެންސަލް ކޮށްދިނުމަށް ޤާނޫނީ ވަކީލު އެދިލައްވަނީ، 29 ޖޫން 2025 ގެ 13:44 ގައެވެ. އަޑުއެހުން އޮންނާނެ ދުވަހުގެ އެއްދުވަސް ކުރިންނެވެ. މިޙާލަތުގައި، ހައިކޯޓަށް އެހެން މައްސަލައެއް ތާވަލް ކުރުމަށް ފުރުޞަތު ނުލިބި، ނުނިމިހުރި އެތައް މައްސަލަތަކަށް މިކަމުގެ އަސަރުކުރެއެވެ. 17 ޖޫން 2025 ގައި ދުރާލާ ފޮނުވާފައިވާ އަމުރާއި ގުޅިގެން، މައްސަލަ ކެންސަލް ކޮށްދިނުމަށް އަޑުއެހުން އޮންނާނެ ދުވަހުގެ އެއްދުވަސް ކުރިން އެދުމަކީ ޒިންމާދާރު ގޮތެއް ކަމަށް ބަލައިގަނެވޭނެ މަޤުބޫލު ސަބަބެއް ނޫނެވެ. މައްސަލައިގެ އަޑުއެހުން އޮންނަ ދުވަހުގެ ކުރީދުވަހު މައްސަލަ ކެންސަލް ކޮށްދިނުމަށް އެދުމަށްފަހު، ދުރާލާ އެކަން އެދެވިފައިނުވަނީ އިދާރީ އޮޅުމެއްގެ ސަބަބުން ކަމަށް ކޮންމެ ފަހަރަކު ބުނުމަކީވެސް ޤަބޫލު ކުރެވޭނެ ސަބަބެއްވެސް ނޫނެވެ. އެހެންވެ، ހައިކޯޓުން ތާވަލް ކުރި މައްސަލައަކީ ލޯފާރމްއާ ޙަވާލުކޮށްފައިވާ މައްސަލައެއްކަން އެނގޭތިކޮށް އެލޯފާލީއޮލް އެހެން ވަކީލަކު ހަމަޖެއްސުމަށް އަންގައި މައްސަލަ ކެންސަލް ނުކުރެވޭނެކަން ވާނީ ހައިކޯޓުން އަންގާފައެވެ. އެހެންކަމުން، އިސްވެ ބަޔާންކުރެވުނު ކަންކަން އެގޮތުގެ މަތިން ހުރުމުން، އިސްތިއުނާފުކުރާ ފަރާތްތަކުގެ ވަކީލް އަލްއުސްތާޛް ޝިފާޒް ޢަބްދުލްޤަދީރު އެދިފައިވާ ގޮތަށް މައްސަލައިގެ އަޑުއެހުން ކެންސަލް ނުކުރެވޭނެކަމަށް އަންގާފައިވަނިކޮށް، އަދި ހައިކޯޓުން ފޮނުވާފައިވާ ކޯޓަށް ޙާޟިރުވުމުގެ އަމުރާއި ޙަވާލުވެ، އެ އަމުރުގައިވާ ތާރީޚާއި ގަޑިއަށް ކޯޓަށް ޙާޟިރުވެފައިނުވާތީ، ދިވެހިރާއްޖޭގެ ހައިކޯޓުގެ ގަވާއިދުގެ 48 ވަނަ މާއްދާގެ (ހ) ގައިވާ ގޮތުގެ މަތީން ވާދީ ޓްރޭޑަރސް ޕްރައިވެޓް ލިމިޓެޑް އާއި މ.ވާދީރޯސް، މުޙައްމަދު އަޙްމަދު ދީދީ އާއި މ.ވާދީރޯސް، ޝިފާނާ މުޙައްމަދު ދީދީ އާއި މ.ވާދީރޯސް، މަރްޔަމް އަޙްމަދު ދީދީ އާއި މ.ވާދީރޯސް ޝަބާނާ މުޙައްމަދުގެ ފަރާތުން އިސްތިއުނާފުކުރުމަށް ހުށަހަޅާފައިވާ ދިވެހިރާއްޖޭގެ ހައިކޯޓުގެ ނަންބަރު: 2024/HC-A/129 ޤަޟިއްޔާގެ ދަޢުވާ ފޯމު، ދިވެހިރާއްޖޭގެ ހައިކޯޓުގައި މިޤަޟިއްޔާ ބެލި ފަނޑިޔާރުންގެ މަޖިލީހުގެ އިއްތިފާޤުން ބާޠިލުކޮށްފީމެވެ.

15މައްސަލަ ނިންމި ފަނޑިޔާރުން: ފަނޑިޔާރު ޙަސަލައު ފަނޑިޔާރު މުޙައްމަދު ނިޔާޒް (ރިޔާސަތު) ފަނޑިޔާރު ދީބުނާޒް ފަހުމީ