ބްލޫ ލެގޫން އިންވެސްޓްމެންޓް ޕވޓ ލޓޑ ވ. މޯލްޑިވްސް އިންލަންޑް ރެވެނިއު އޮތޯރިޓީ

ނަތީޖާ: އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށު ކޯޓު: ސިވިލް ކޯޓު 157/Cv-C/2018

ކޯޓުން ނިންމަން ޖެހުނު ސުވާލު

ދައުލަތުގެ އިހުމާލުން ރިސޯޓުގެ ލައިސަންސް ހިފެހެއްޓުމުން ގެއްލުން ލިބިފައިވާކަމަށް ބުނެ ވިޔަފާރީގެ ފައިދާއިން ނެގޭ ޓެކްސް ނުދައްކައި ހުރެވޭތޯ؛ އަދި ފުރަތަމަ އަޑުއެހުމުގައި މައްސަލަ ނިންމުމުން ދިފާޢުގެ ފުރުޞަތު ނުލިބި ޑިއު ޕްރޮސެސް ގެއްލިފައިވޭތޯ.

ކަނޑައެޅި ޤާނޫނީ އުޞޫލުތައް

1. ދެފަރާތެއްގެ މެދުގައި ވެފައިވާ އެއްބަސްވުމެއްގެ ދަށުން ދައްކަންޖެހޭ ކުއްޔާއި ގެއްލުމުގެ ބަދަލާ ގުޅޭ ޤަޟިއްޔާއެއްގައި (ހައިކޯޓުގެ 2009/HC-A/160، ޔޮޓް ޓުއަރސް މޯލްޑިވްސް ވ. އެމް.ޓީ.ޑީ.ސީ) ކުލި ދެއްކުމާ ގުޅޭގޮތުން ކަނޑައަޅާފައިވާ ކަންކަމަކީ ޓެކްސްއާ ގުޅޭ މައްސަލަތަކުގައި ތަޠްބީޤުކުރެވިދާނެ އުޞޫލުތަކެއް ނޫނެވެ.
2. ކުރީގެ މުއްދަތުތަކުގެ އޮޑިޓްތަކުން ކަނޑައަޅާފައިވާ ވިޔަފާރީގެ ފައިދާއިން ނެގޭ ޓެކްސްއާއި، އެ ޓެކްސް ނުދެއްކުމުން އަރާ ޖޫރިމަނާއާއި އިންޓަރެސްޓަކީ ފަހުން ދައުލަތުން ރިސޯޓުގެ ލައިސަންސް ހިފެހެއްޓުމުން ލިބުނުކަމަށް ބުނާ ގެއްލުމާ ގުޅޭ ކަމެއް ނޫންކަމުން، އެ ގެއްލުމަކީ ޓެކްސް ނުދެއްކުމުގެ ސަބަބެއް ނޫނެވެ.
3. ދަޢުވާލިބޭ ފަރާތުގެ ބަޔާން ދަށުކޯޓުން ނަގައި، އެ ބަޔާނުގައި ދަޢުވާއަށް އިންކާރުކޮށް، އިންކާރުކުރާ ސަބަބުތައް ހިމެނޭ ސިޓީއަށް އިޝާރާތްކޮށް، އިތުރު ވާހަކައެއް ނެތްކަމަށް ބުނެފައިވާއިރު، އަދި އެ ސިޓީއަށް ދަށުކޯޓުން ރިޢާޔަތްނުކުރާކަމަށް ބުނެފައި ނުވާއިރު، ދިފާޢުގައި ވާހަކަދެއްކުމަށް އެކަށީގެންވާ ފުރުޞަތު ދީގެން މައްސަލަ ނިންމާފައިވާ ކަމުގައި ބެލެވޭނެއެވެ.

ބަލާފައިވާ ޤާނޫނުތައް

• ޤާނޫނު ނަންބަރު 5/2011 (ވިޔަފާރީގެ ފައިދާއިން ޓެކްސް ނެގުމުގެ ޤާނޫނު)
• ޤާނޫނު ނަންބަރު 3/2010 (ޓެކްސް ނެގުމާބެހޭ އިދާރީ ޤާނޫނު) (ދަށުކޯޓުގެ ޙުކުމުގައި)
• ހައިކޯޓުގެ 2009/HC-A/160 (ޔޮޓް ޓުއަރސް މޯލްޑިވްސް ޕވޓ ލޓޑ ވ. މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން) - ތަފާތުކުރި
• ހައިކޯޓުގެ 2010/HC-A/114 (އިސްތިއުނާފުކުރި ފަރާތުން ޙަވާލާދިން)
• ސުޕްރީމް ކޯޓުގެ 2010/SC-A/02 (އިސްތިއުނާފުކުރި ފަރާތުން ޙަވާލާދިން)