ޙަސަން ޝުޖާއު އަދި އިތުރު ފަރާތްތައް ވ. ނަޖުމާ އާދަމް

ނަތީޖާ: ދަށުކޯޓުގެ ޙުކުމް ބާޠިލު، އަލުން ބެލުމަށް ފޮނުވި

ދަށު ކޯޓު: މ. މުލަކު މެޖިސްޓްރޭޓް ކޯޓު 31/K4C/2021

ކޯޓުން ނިންމަން ޖެހުނު ސުވާލު

ބެހެނިވެރިން ސޮއިކޮށް ރުހުން ދީފައިނުވާ ޗާޓެއްގެ މައްޗަށް، އަދި ޝަރީޢަތުގައި ވެވުނު ޝަރުޠީ އެއްބަސްވުމާ ޚިލާފަށް، ދެފަރާތް އެއްބަސްވެފައިވާ ގޮތަށް ކަމަށް ބުނެ ގޯތި ބައިކޮށް ބިން އައްޔަންކޮށް ކުރި ޙުކުމް ޞައްޙަ ތޯ.

ކަނޑައެޅި ޤާނޫނީ އުޞޫލުތައް

1. ބިން އައްޔަންކުރުމުގެ މައްސަލަތަކުގައި ޢާންމު އުޞޫލަކީ، މައްސަލަ ހުށަހެޅީ ކޮންމެ ފަރާތަކުން ކަމުގައި ވިޔަސް، ބިމުގެ ވެރިފަރާތުގެ ހައިސިއްޔަތުން މަޞްލަޙަތު އޮތް އެންމެހާ ފަރާތްތަކުގެ ބަސް ޝަރީޢަތުން ހޯދައި، ބިން ބައިކޮށް ވަކިކުރުމާއި މަގު ނެގުމާއި ބިމުގައި ހުރި މުދާ އަގުމަގުކުރުމުގައި އެ ފަރާތްތަކުން އެދޭ ގޮތް ސާފުކުރުމެވެ. (ޕެރ. 20)
2. ބެހެނިވެރިން އެއްބަސްވެފައިވާ ގޮތަށް ކަމަށް ބުނެ ބިން އައްޔަންކޮށް ޙުކުމްކުރެވޭނީ، ޝަރީޢަތުގެ ރެކޯޑުން ފެންނަން އޮތް އެއްބަސްވުމާ އެއްގޮތަށެވެ؛ ޝަރުޠީ އެއްބަސްވުމެއްގެ ޝަރުޠު ފުރިހަމަނުވެ، ޙުކުމުގެ ކުރިން ބާއްވާނެކަމަށް ބުނި އަޑުއެހުމެއް ނުބާއްވައި، ދެފަރާތުން މަޝްވަރާކުރި ގޮތާ ޚިލާފަށް ކުރާ ޙުކުމަކީ ޞައްޙަ ޙުކުމެއް ނޫނެވެ. (ޕެރ. 23)
3. ބިން އައްޔަންކުރުމުގެ މައްސަލައެއްގައި ބެހެނިވެރިންގެ ޙައްޤު ކަށަވަރުކުރުމަށްޓަކައި، ބިން ބަހާނެ ގޮތުގެ ޗާޓުގައި ޝަރީޢަތުގެ މަޖިލީހުގައި ސޮއިކުރުމުގެ ފުރުޞަތު ދީ، ބިން އައްޔަންކުރާ ގޮތުގެ މައްޗަށް ހުރިހާ ފަރާތެއްގެ ބަޔާން ނަގައި ސޮއިކުރުވައި، އެއްބަސްވާ ގޮތެއް އޮތްނަމަ އެގޮތަށް، ނުވާނަމަ މިފަދަ މައްސަލަތަކުގައި ޢަމަލުކުރާ އިޖުރާއަތާ އެއްގޮތަށް ޝަރީޢަތް ކުރިއަށް ގެންދަންވާނެއެވެ. (ޕެރ. 26)

ބަލާފައިވާ ޤާނޫނުތައް

• ޤާނޫނު ނަންބަރު 13/2010 (ދިވެހިރާއްޖޭގެ ފަނޑިޔާރުންގެ ޤާނޫނު) ގެ 5 ވަނަ މާއްދާގެ (ށ) ގެ (3)
• ހައިކޯޓުގެ 2019/HC-A/330 (އިސްމާޢީލް މަޒްހަމް ވ. މަޢާނާ މުޙައްމަދު)