ޢަލީ މުނީރު ވ. އާސިމް ތައުފީޤު

ނަތީޖާ: ދަށުކޯޓުގެ ޙުކުމް ބާޠިލު، ގެއްލުމުގެ ބަދަލުގެ ބައި މައުޟޫޢީ ގޮތުން ބެލުމަށް އަލުން ބެލުމަށް ފޮނުވި

ދަށު ކޯޓު: ސިވިލް ކޯޓު 120/Cv-C-HD/2019

ކޯޓުން ނިންމަން ޖެހުނު ސުވާލު

އެއް އެއްބަސްވުމަކާ ގުޅިގެން ދެފަރާތުން ވަކިވަކިން ހުށަހެޅި ދެ ޤަޟިއްޔާގެ ތެރެއިން ފުރަތަމަ ޤަޟިއްޔާގައި ބަހުސްކުރެވިފައިނުވާ އަދި ގޮތެއް ކަނޑައެޅިފައިނުވާ ގެއްލުމުގެ ބަދަލުގެ އެދުމަށް، ދެވަނަ ޤަޟިއްޔާގައި ރެސް ޖުޑިކާޓާގެ މަބްދައު ތަޠުބީޤުކުރެވޭނެތޯ.

ކަނޑައެޅި ޤާނޫނީ އުޞޫލުތައް

1. އެއް މައުޟޫޢެއްގައި ދެ މައްސަލަ ހުށަހެޅިއްޖެނަމަ، އެކަމުގައި އޮތް އެންމެ ރަނގަޅު ގޮތަކީ (best practice) އެ ދެ ޤަޟިއްޔާ އެއް މައްސަލައެއްގެ ގޮތުގައި ހިންގައި އެކުއެކީގައި ގޮތް ކަނޑައެޅުމެވެ. (ޕެރ. 19)
2. ކުރީގެ ޤަޟިއްޔާގައި ބަހުސްކުރެވިފައިނުވާ އަދި ގޮތެއް ކަނޑައެޅިފައިނުވާ އެދުމަކަށް (އެއްބަސްވުމުގެ ދަށުން ލިބެންޖެހޭ ގެއްލުމުގެ ބަދަލު)، އެ ޤަޟިއްޔާގެ ޙުކުމުގެ ކުރިން ހުށަހެޅި ދެވަނަ ޤަޟިއްޔާގައި ރެސް ޖުޑިކާޓާގެ މަބްދައު ތަޠުބީޤުކޮށް އެ އެދުން މައުޟޫޢީ ގޮތުން ނުބެލުމަކީ ރަނގަޅު ނިންމުމެއް ނޫނެވެ. (ޕެރ. 18، 20)
3. ރެސް ޖުޑިކާޓާ ތަޠުބީޤުކުރުމުން ހުއްޓުވިފައިވާ ދަޢުވާގެ ބައި މައުޟޫޢީ ގޮތުން ބަލައި ގޮތެއް ކަނޑައެޅުމަށް، ދަށުކޯޓުގެ ޙުކުމް ބާޠިލުކޮށް މައްސަލަ ދަށުކޯޓަށް ތަޙްވީލުކުރެވިދާނެއެވެ. (ޕެރ. 21)

ބަލާފައިވާ ޤާނޫނުތައް

• ޤާނޫނު ނަންބަރު 22/2010 (ދިވެހިރާއްޖޭގެ ކޯޓުތަކުގެ ޤާނޫނު) ގެ 46 ވަނަ މާއްދާގެ (ށ)
• ސުޕްރީމް ކޯޓުގެ 2018/SC-A/31 (އަޙްމަދު ޝިޔާޛް އަދި އިތުރު ފަރާތްތަކެއް ވ. ފުރަނަ ހޯލްޑިންގްސް ޕްރައިވެޓް ލިމިޓެޑް)