މޫސާ އިބްރާޙީމް ވ. ވީ.ބީ ބްރަދަރސް ޕްރައިވެޓް ލިމިޓެޑް

ނަތީޖާ: ދަށުކޯޓުގެ ޙުކުމް ބާޠިލު، އަލުން ބެލުމަށް ސިވިލް ކޯޓަށް ތަޙުވީލުކުރި

ދަށު ކޯޓު: ސިވިލް ކޯޓު 3098/Cv-C/2019

ކޯޓުން ނިންމަން ޖެހުނު ސުވާލު

އަނގަބަހުން ވިއްކި މުދަލުގެ އަގު ހޯދުމުގެ ދަޢުވާގައި، މުޢާމަލާތް ސާބިތުކުރުމަށް ދަޢުވާކުރާ ފަރާތުން ހުށަހެޅި ޝަފަހީ ހެކި (ކުންފުނީގެ އެއިރުގެ މެނޭޖިންގ ޑިރެކްޓަރ) ހާޟިރުނުކޮށް ސިވިލް ކޯޓުން މައްސަލަ ނިންމުމަކީ ފަނޑިޔާރުންގެ ޤާނޫނުގެ 5 ވަނަ މާއްދާގެ (ށ) ގެ (1) އާ ޚިލާފު ކަމެއްތޯ.

ކަނޑައެޅި ޤާނޫނީ އުޞޫލުތައް

1. ފަނޑިޔާރުންގެ ޤާނޫނުގެ 5 ވަނަ މާއްދާގެ (ށ) ގެ (1) ގެ ދަށުން، ފަނޑިޔާރުކަމުގެ މަސްއޫލިއްޔަތު އަދާކުރުމުގައި މައްސަލައިގައި ހުށަހެޅިފައިވާ ހެއްކާއި ޤަރީނާއަށް ފަނޑިޔާރުން ރިޢާޔަތްކުރަންވާނެއެވެ. (ޕެރ. 20)
2. އަނގަބަހުން ކުރި މުޢާމަލާތެއް ސާބިތުކުރުމަށް ހުށަހެޅި ލިޔުމެއްގައި ބުނާ ވާޤިޢާތައް ސާބިތުކުރުމަށް ދަޢުވާކުރާ ފަރާތުން ޝަފަހީ ހެކި ހުށަހަޅާފައިވާއިރު، މުޢާމަލާތް ހިނގިކަމުގެ ލިޔުމެއް ހުށަހަޅާފައިނުވާކަމަށް ބުނެ އެ ހެކި ހާޟިރުނުކޮށް މައްސަލަ ނިންމުމަކީ ފަނޑިޔާރުންގެ ޤާނޫނުގެ 5 ވަނަ މާއްދާގެ (ށ) ގެ (1) އާ ޚިލާފު ކަމެކެވެ. (ޕެރ. 23)
3. ޝަފަހީ ހެކި ހާޟިރުކުރުމުގެ ފުރުޞަތު ނުދީ ނިންމާފައިވާ ޙުކުމް ބާޠިލުކޮށް، އެ ހެކި ހާޟިރުކުރުމަށް ފުރުޞަތުދީގެން މައްސަލަ ކުރިއަށް ގެންދިއުމަށް ދަށު ކޯޓަށް ތަޙުވީލުކުރެވޭނެއެވެ. (ޕެރ. 24)

ބަލާފައިވާ ޤާނޫނުތައް

• ޤާނޫނު ނަންބަރު 13/2010 (ފަނޑިޔާރުންގެ ޤާނޫނު) ގެ 5 ވަނަ މާއްދާގެ (ށ) ގެ (1)
• ޤާނޫނު ނަންބަރު 32/2021 (މަދަނީ އިޖުރާއަތުގެ ޤާނޫނު) ގެ 284 ވަނަ މާއްދާގެ (ހ)