ހޮނާސް ކްލަބް މޯލްޑިވްސް ޕްރައިވެޓް ލިމިޓެޑް ވ. ޓެރަފާމާ މޯލްޑިވްސް ޕްރައިވެޓް ލިމިޓެޑް

ނަތީޖާ: އަލުން ބެލުމަށް ސިވިލް ކޯޓަށް ތަޙުވީލުކުރި

ދަށު ކޯޓު: ސިވިލް ކޯޓު 3004/Cv-C/2017

ކޯޓުން ނިންމަން ޖެހުނު ސުވާލު

ސުޕްރީމް ކޯޓުގެ 2021/SC-A/109 ޤަޟިއްޔާއިން ސިވިލް ކޯޓުގެ 3004/Cv-C/2017 އާއި ހައިކޯޓުގެ 2019/HC-A/322 ޙުކުމްތައް ބާޠިލުކޮށް، ސިވިލް ކޯޓަށް ފޮނުވުމަށްޓަކައި ހައިކޯޓަށް ތަޙުވީލުކުރި މައްސަލައިގައި ހައިކޯޓުން ޢަމަލުކުރަންޖެހޭ ގޮތް.

ކަނޑައެޅި ޤާނޫނީ އުޞޫލުތައް

1. ސުޕްރީމް ކޯޓުން ދަށު ކޯޓުތަކުގެ ޙުކުމްތައް ބާޠިލުކޮށް، މައްސަލަ އަލުން ބެލުމަށްޓަކައި ސިވިލް ކޯޓަށް ފޮނުވުމަށް ކޯޓުތަކުގެ ޤާނޫނުގެ 18 ވަނަ މާއްދާގެ (ށ) ގެ ދަށުން ހައިކޯޓަށް ތަޙުވީލުކުރާ މައްސަލައަކީ ހައިކޯޓުން ވަކިގޮތެއް ކަނޑައެޅުމަށް ތަޙުވީލުކުރާ މައްސަލައެއް ނޫނެވެ. އެފަދަ މައްސަލައެއް ހައިކޯޓުން ނިންމާނީ ސުޕްރީމް ކޯޓުން ކަނޑައަޅާފައިވާ އުޞޫލުތަކާ އެއްގޮތަށް އަލުން ބެލުމަށް ސިވިލް ކޯޓަށް ތަޙުވީލުކޮށްގެންނެވެ. (ޕެރ. 4)
2. ކޯޓަށް ޙާޟިރުވުމުގެ އަމުރު ރައްދުވި ޚަޞްމަކު ސަބަބެއް ބަޔާންނުކޮށް ޙާޟިރުނުވެއްޖެނަމަ، ހައިކޯޓުގެ ގަވާއިދު 2011 ގެ 48 ވަނަ މާއްދާގެ (ހ) ގެ (1) ގެ މަތިން، އެ ފަރާތުގެ ޣައިރު ޙާޟިރުގައި މައްސަލައިގެ ޙުކުމް ކުރެވިދާނެއެވެ. (ޕެރ. 5)

ބަލާފައިވާ ޤާނޫނުތައް

• ޤާނޫނު ނަންބަރު 22/2010 (ދިވެހިރާއްޖޭގެ ކޯޓުތަކުގެ ޤާނޫނު) ގެ 18 ވަނަ މާއްދާގެ (ށ)
• ހައިކޯޓުގެ ގަވާއިދު 2011 ގެ 48 ވަނަ މާއްދާގެ (ހ) ގެ (1)
• ސުޕްރީމް ކޯޓުގެ 2021/SC-A/109
• ހައިކޯޓުގެ 2019/HC-A/322