ބޭންކް އޮފް މޯލްޑިވްސް ޕލކ

ނަތީޖާ: ޙުކުމުގެ އިންޓްރެސްޓާއި ޖޫރިމަނާއާ ގުޅޭ ބައި ބާޠިލުކޮށް، އަލުން ބެލުމަށް ސިވިލް ކޯޓަށް ތަޙުވީލުކުރި

ދަށު ކޯޓު: ސިވިލް ކޯޓު 255-CVC-2024

ކޯޓުން ނިންމަން ޖެހުނު ސުވާލު

ރަހުނު ހިމެނޭ ލޯނެއްގެ ޣައިރު ޙާޟިރު ޙުކުމެއްގައި، އިންޓްރެސްޓާއި ޖޫރިމަނާ އަރަމުންދާނީ އިޚްތިޞާޞް ލިބިގެންވާ ކޯޓަކުން ރަހުނު ވިއްކާލުމުގެ ހުއްދަ ދިނުމާ ހަމައަށްކަމަށް ސިވިލް ކޯޓުން ކަނޑައެޅީ، ދެފަރާތުގެ އެއްބަސްވުމާއި ކަމާބެހޭ ޤާނޫނީ ނައްޞުތަކާ އެއްގޮތަށްތޯ.

ކަނޑައެޅި ޤާނޫނީ އުޞޫލުތައް

1. ކޮޅުމަޑުލު ދިޔަމިގިލީ މެޖިސްޓްރޭޓް ކޯޓުގެ މަދަނީ އިޖުރާއަތުގެ ގަވާއިދު 2022 ގެ 231 ވަނަ މާއްދާގެ (ހ) ގައިވާ، ރަހުނު މުދާ ވިއްކާލުމުން ނުވަތަ ޙަވާލުކުރުމުން އިންޓްރެސްޓް ހިނގުން ހުއްޓޭނެ ކަމުގެ ޙުކުމް ތަޠުބީޤުވާނީ، ދަރަނިވެރިޔާއާއި އަރަނިވެރިޔާ އެހެން ގޮތަކަށް އެއްބަސްވެފައި ނުވާނަމައެވެ. (ޕެރ. 11)
2. ރަހުނު އެއްބަސްވުމާއި ސެންކްޝަން ސިޓީގައި، ދައްކަންޖެހޭ ފައިސާ ދައްކާ ތާރީޚާ ހަމައަށް (ޙުކުމް ކުރުމުގެ ކުރިންނާއި ފަހުން) އިންޓްރެސްޓް ހިސާބުކުރެވޭނެކަމަށް ބަޔާންކޮށް ދެފަރާތް އެއްބަސްވެފައިވާނަމަ، އިންޓްރެސްޓާ ގުޅޭގޮތުން ދެފަރާތް ސަރީޙަކޮށް އެއްބަސްވެފައި ނުވާކަމަށް ބަލައި ރަހުނު ވިއްކާލުމުގެ ހުއްދަ ދިނުމާ ހަމައަށް އިންޓްރެސްޓާއި ޖޫރިމަނާ ކަނޑައެޅުމަކީ ދެފަރާތުގެ އެއްބަސްވުމާއި ކަމާބެހޭ ޤާނޫނީ ނައްޞުތަކަށް ރަނގަޅަށް ރިޢާޔަތްކުރުމެއް ނޫނެވެ. (ޕެރ. 13)
3. މަދަނީ އިޖުރާއަތުގެ ޤާނޫނުގެ ދަށުން ކޮށްފައިވާ ޣައިރު ޙާޟިރު ޙުކުމެއް މުރާޖަޢާކުރުމަށް ދަޢުވާލިބުނު ފަރާތަށް ލިބިފައިވާ ފުރުޞަތު ގެއްލިފައިވާކަން ނޭނގޭ ޙާލަތެއްގައި، ޣައިރު ޙާޟިރު ޙުކުމް މުރާޖަޢާކުރުމުގެ އުޞޫލު ދެމެހެއްޓުމަށްޓަކައި، ހައިކޯޓުން އަމިއްލައަށް ގޮތެއް ނުނިންމާ، އެ ބައި އަލުން ބަލައި ގޮތެއް ނިންމުމަށް ދަށުކޯޓަށް ތަޙުވީލުކުރެވޭނެއެވެ. (ޕެރ. 14–15)

ބަލާފައިވާ ޤާނޫނުތައް

• ކޮޅުމަޑުލު ދިޔަމިގިލީ މެޖިސްޓްރޭޓް ކޯޓުގެ މަދަނީ އިޖުރާއަތުގެ ގަވާއިދު 2022 ގެ 231 ވަނަ މާއްދާގެ (ހ)
• މަދަނީ އިޖުރާއަތުގެ ޤާނޫނު (ޣައިރު ޙާޟިރު ޙުކުމް މުރާޖަޢާކުރުން)