އިބްރާހީމް އަރީޝް ވ. މުހައްމަދު އަލީ

ނަތީޖާ: އަލުން ބެލުމަށް ފޮނުވި

ދަށު ކޯޓު: ސިވިލް ކޯޓު 1940/Cv-C/2016

ކޯޓުން ނިންމަން ޖެހުނު ސުވާލު

ކުރިން ވެފައިވާ އެއްބަސްވުމެއްގެ ދަށުން އެހެން ފަރާތެއްގެ ކުލީގެ ޙައްޤު އުފެދިފައިވާ ފްލޯތައް ތިންވަނަ ފަރާތަކާ ޙަވާލުކުރުމަށް، އެ ޙައްޤުވެރިޔާ ޚަޞްމަކަށް ނުހިމަނައި ދެފަރާތުގެ އެއްބަސްވުމުން ސިވިލް ކޯޓުން ކުރި ޙުކުމް ޤާއިމުކުރެވޭތޯ.

ކަނޑައެޅި ޤާނޫނީ އުޞޫލުތައް

1. ޙުކުމް ކުރިކަން ނޭނގި ތިބުމަކީ މަޤްބޫލު ސަބަބެއްކަމަށް ފެނިއްޖެނަމަ، ހައިކޯޓުގެ ޤަވާޢިދުގެ 29 ވަނަ މާއްދާގެ (ނ) ގެ ދަށުން މުއްދަތު ފަހަނައަޅާފައިވާ ޙުކުމެއް އިސްތިއުނާފުކުރުމުގެ ހުއްދަ ދެވިދާނެއެވެ (ޕެރ. 8).
2. ޙައްޤާއި މަޞްލަޙަތު އޮތް ފަރާތެއް ނިޔާވުމުން، އޭނާގެ ވާރިޘަކަށް އެ ޙައްޤާ ގުޅޭ ޙުކުމެއް އިސްތިއުނާފުކުރެވިދާނެއެވެ (ޕެރ. 12.5).
3. މީހެއްގެ ޙައްޤާއި މަޞްލަޙަތު ހިމެނޭ ކަމެއްގެ މައްޗަށް ބަލާ މައްސަލައެއްގައި އެ ފަރާތް ޚަޞްމަކަށް ނުހިމަނައި، ޙައްޤު ޙިމާޔަތްކުރުމަށް ބަސްބުނުމުގެ ފުރުޞަތު ނުދީ ކުރާ ޙުކުމެއް ޤާއިމު ނުކުރެވޭ؛ އެފަދަ ފަރާތެއްގެ ބަހެއްވެސް ފެންނަން އޮންނަންވާނެތީ، އެ މައްސަލަ ދަށުކޯޓުން އަލުން ބަލައި ގޮތެއް ނިންމަންޖެހޭނެއެވެ (ޕެރ. 12.6).
4. ތަނެއް ކުއްޔަށް ދިނުމާ ގުޅޭ ގޮތުން ކުރިން އެކަށައެޅިފައިވާ އެއްބަސްވުންތަކުގެ ސަބަބުން އެހެން ފަރާތެއްގެ ކުލީގެ ޙައްޤު އުފެދިފައިވާނަމަ، އެ ތަނަކީ އެ ފަރާތުގެ ކުލީގެ ޙައްޤު އުފެދިފައިވާ ތަނެއްކަމުގައި ބެލެވޭނެއެވެ (ޕެރ. 12.4).

ބަލާފައިވާ ޤާނޫނުތައް

• ދިވެހިރާއްޖޭގެ ހައިކޯޓުގެ ޤަވާޢިދުގެ 29 ވަނަ މާއްދާގެ (ނ)