ޑީއެސްޖީ ޝިޕިންގ އިންކޯޕަރޭޓެޑް ވ. އޯޝަން އީއެކްސްއެލް މެނާ އެފްޒެޑްސީ

ނަތީޖާ: ވަގުތީ އަމުރު ނިމުމަކަށް ގެނައި

ދަށު ކޯޓު: ހައިކޯޓު 2025/HC-A/17

ކޯޓުން ނިންމަން ޖެހުނު ސުވާލު

ބައިނަލްއަޤްވާމީ އާބިޓްރޭޝަނަކާ ގުޅިގެން ހައިކޯޓުން (2025/HC-A/17) ނެރުނު ވަގުތީ ފިޔަވަޅުގެ އަމުރު، ފަރާތްތަކުގެ މެދުގައި ސެޓްލްމަންޓް އެއްބަސްވުމެއް ވެފައިވާތީ ނިމުމަކަށް ގެނެވޭތޯ.

ކަނޑައެޅި ޤާނޫނީ އުޞޫލުތައް

1. އާބިޓްރޭޝަނުގެ ޤާނޫނުގެ 45 ވަނަ މާއްދާގެ ދަށުން، އާބިޓްރަލް ޓްރައިބިއުނަލަށް ވަގުތީ ފިޔަވަޅުގެ އަމުރު ނެރުމުގެ ބާރު ލިބިދޭ ނިސްބަތަށް، އާބިޓްރޭޝަނުގައި ހިނގަމުންދާ މައްސަލައަކާ ގުޅޭގޮތުން ކޯޓަށްވެސް އެފަދަ އަމުރު ނެރުމުގެ ބާރު ލިބިގެންވެއެވެ. (ޕެރ. 12)
2. ބައިނަލްއަޤްވާމީ އާބިޓްރޭޝަނުގައި ހިނގަމުންދާ މައްސަލައަކާ ގުޅިގެން ވަގުތީ ފިޔަވަޅު އެޅުމުގެ ބާރާއި، އެފަދަ އަމުރު ބާޠިލުކުރުމުގެ އިޚްތިޞާޞް ލިބިދީފައިވަނީ ދިވެހިރާއްޖޭގެ ހައިކޯޓަށެވެ. (ޕެރ. 13، 15)
3. ފަރާތްތަކުގެ މެދުގައި ޚުޞޫމާތް ޙައްލުކުރުމަށް ސެޓްލްމަންޓް އެއްބަސްވުމެއް ވެ، އަމުރު ނިމުމަކަށް ގެނައުމަށް އަނެއް ފަރާތުގެ އިޢުތިރާޟެއް ނެތްނަމަ، ވަގުތީ ފިޔަވަޅުގެ އަމުރު ދެމެހެއްޓުމުގެ މަޞްލަޙަތެއް ނެތެވެ. (ޕެރ. 17–19)

ބަލާފައިވާ ޤާނޫނުތައް

• އާބިޓްރޭޝަނުގެ ޤާނޫނުގެ 45 ވަނަ މާއްދާ
• އާބިޓްރޭޝަނުގެ ޤާނޫނުގެ 87 ވަނަ މާއްދާ
• އާބިޓްރޭޝަންގެ މައްސަލަތައް ދިވެހިރާއްޖޭގެ ހައިކޯޓުން ބެލުމާބެހޭ ގަވާއިދު (2 ވަނަ މާއްދާގެ (ށ))
• ހައިކޯޓަށް ބައިނަލްއަޤްވާމީ އާބިޓްރޭޝަނާގުޅޭ ގޮތުން ޢަމަލުކުރާ އުޞޫލުގެ 1 އަދި 2 ވަނަ މާއްދާ
• ހައިކޯޓުގެ ނަންބަރު 2025/HC-A/17